Jul 03, 2021 04:45 pm
views : 292
Location : Domestic Place
Rawalpindi- Foreign policy has become transparent, says Ghulam Sarwar
راولپنڈی، خارجہ پالیسی میں شفافیت آئی ہے، غلام سرورکہتے ہیں راولپنڈی کیلئے پانچ ڈیمز کی ایلو کیشن کی گئی ہے،مجاہد اور مہوٹہ ڈیم اس سال مکمل ہوگا
وزیر ہوا بازی غلام سرور خان کا کہنا ہے کہ ہماری خارجہ پالیسی میں شفافیت آئی ہے، بجٹ آسانی سے منظور ہوگیا ،جبکہ اپوزیشن کا کہنا تھا بجٹ منظور نہیں ہونے دیں گے۔
غلام سرور خان نے پریس کانفرنس کرتے ہوئے کہا کہ موجودہ بجٹ عوامی فلاحی اور کسان دوست بجٹ ہے،ساڑھے 12 ایکڑ تک زمین رکھنے والوں کو سبسڈی ملے گی، کسان کارڈ بھی جاری کیا جائے گا۔
انہوں نے کہا کہ رنگ روڈ ہمارے شہر میں سب سے اہم ہے، یہ منصوبہ 2023 ء کے انتخابات سے قبل مکمل ہوگا،راولپنڈی کیلئے پانچ ڈیمز کی ایلو کیشن کی گئی ہے، مجاہد اور مہوٹہ ڈیم اس سال مکمل ہوگا، جبکہ دادوچہ اور پاپین ڈیم اس سال شروع ہوگا۔
غلام سرور نے بتایا کہ چاہان ڈیم تکمیل کے قریب ہے، چاہان ڈیم کی پانی اسکیم کے لیے94 کروڑ رکھا گیا ہے، ڈیم بننے سے زیر زمین پانی کی سطح بڑھے گی۔
ان کا کہنا تھا کہ سیکیورٹی کونسل کا اجلاس بھی آج کل چل رہا ہے۔