Apr 30, 2021 03:45 pm
views : 245
Location : Domestic Place
Gilgit- PM Imran unveils development package for Gilgit-Baltistan
گلگت
بلتستان، کچھ لوگ اپنی ذات کو فائدہ پہنچانے کیلئے اقتدار میں آتے ہیں،
وزیر اعظم عمران خان کہتے ہیں مجھ سے بڑے غلط فیصلے بھی ہوجاتے ہیں
وزیراعظم عمران خان نے کہا ہے کہ ماضی میں ٹکٹ دینے میں کئی غلطیاں ہوئیں۔مجھ سے بڑے غلط فیصلے بھی ہوجاتے ہیں۔
وزیراعظم
عمران خان نے گلگت بلتستان میں ترقیاتی منصوبوں کی افتتاحی تقریب میں اپنے
خطاب میں کہا کہ اسد عمرکوجی بی پیکیچ کے لئے خراج تحسین پیش کرتا ہوں،
کم پیسے کے باوجود اس طرح کا پیکیج بڑاکارنامہ ہے، 15 سال کی عمر میں پہلی
بار اسکول ٹرپ کے ساتھ گلگت بلتستان آیا، ہمارے حکمران چھٹیاں منانے لندن
جاتے ہیں، ان کو اس علاقے کا پتا ہی نہیں، جی بی کا اصل پوٹینشل سیاحت ہے،
قرض کی ادائیگی کی وجہ سے ہمارے پاس کم پیسا ہوتا ہے۔
وزیراعظم نے کہا
کہ گلگت بلتستان سوئٹزرلینڈ سے اچھا علاقہ ہے۔ ہمارے حکمرانوں نے ہمیشہ اسے
نظراندازکیا۔ جب جی بی میں سیاحت میں ترقی ہوگی تو ملک کو فائدہ ہوگا۔
سیاحت کے فروغ کے لیے منصوبے کے تحت کام کرنے کی ضرورت ہے، اگر جنگلات کی
دیکھ بھال نہ کی تو کبھی سیاحت کو فروغ نہیں مل سکے گا۔
وزیراعظم عمران
خان نے کہا کہ مجھ سے بڑے غلط فیصلے بھی ہوجاتے ہیں، ماضی میں مجھ سے ٹکٹ
دینے میں کئی غلطیاں ہوئیں، ٹکٹ دینے میں غلط فیصلے پراکثرسوچتارہتاہوں،
کچھ لوگ اپنی ذات کوفائدہ پہنچانے کیلئے اقتدار میں آتے ہیں۔ اقتدار میں
آکر یہ لوگ پیسا ملک سے باہربھیجتے ہیں، پیسا چوری کرکے بیرون ملک لے جانے
والے دہرا نقصان پہنچاتے ہیں ۔