Apr 18, 2021 07:48 pm
views : 243
Location : Different Places
Islamabad- PIA reorganization,International experts will arrive on 25 april
پی آئی اے کی تنظیم نو،غیرملکی ماہرین کی ٹیم 25اپریل کو پاکستان پہنچے گی
پی آئی اے کی تنظیم نو اور اصلاحات،غیرملکی ماہرین کی 6 رکنی ٹیم 25اپریل کو پاکستان پہنچے گی۔
سول ایوی ایشن اتھارٹی نے پی آئی اے کی تنظیم نو اور اصلاحات کے لیے غیر ملکی کنسلٹنٹس کی 6 رکنی ٹیم کو پاکستان آنے کی خصوصی اجازت دے دی۔
ذرائع کے مطابق کنسلٹینٹس کی ٹیم 25 اپریل کو بہ ذریعہ استنبول اور دبئی پاکستان پہنچیں گے، ٹیم میں جنوبی افریقہ، کینیڈا، سوئٹزرلینڈ، اسپین اور پرتگال کی شہریت رکھنے والے ماہرین شامل ہیں۔
پی آئی اے شعبہ بجٹ کے ایئر کموڈور جواد ظفر چوہدری نے ان ماہرین کی کراچی آمد کے لیے سول ایوی ایشن اتھارٹی کے ڈائریکٹر ایئرٹرانسپورٹ عرفان صابر سے خصوصی پروازوں کی اجازت مانگی تھی۔
یاد رہے کہ رواں ماہ ہی اقتصادی رابطہ کمیٹی کے اجلاس میں پی آئی اے انتظامیہ کو قومی ایئر لائن کی تنظیم نو اور اصلاحات کے منصوبہ بنانے کی ہدایت کی گئی تھی۔