Apr 09, 2021 02:05 pm
views : 278
Location : Domestic Place
Lahore- become the owner of a house by paying rent in bank installments, says PM
لاہور، کرائے کی رقم بینکوں کی قسطوں میں ادا کر کے گھر کا مالک بنا جاسکتا ہے، وزیر اعظم عمران خان کہتے ہیں کسی سسٹم میں کرپشن اور رکاوٹیں آجائیں تو تبدیلی میں وقت لگتا ہے
وزیراعظم عمران خان نے کہا ہے کہ اکیس ویں صدی میں چیلنجز سے نمٹنے کیلئے خود کو بدلنا ہوگا، ہم نے سسٹم کوخراب ہوتے ہوئے دیکھا ہے، ایک سسٹم بن گیا تھا کہ رشوت دیں گے تو کام ہوگا، اداروں میں آٹو میشن کی مخالفت کرپشن کیلئے کی جاتی ہے، اداروں میں آٹومیشن کیلئے رکاوٹیں کھڑی کی جاتی ہیں، سٹیٹس کو کسی بھی نظام کو بدلنے میں بڑی رکاوٹ ہوتی ہے، کسی سسٹم میں کرپشن اور رکاوٹیں آ جائیں تو تبدیلی میں وقت لگتا ہے۔
ایل ڈی اے اپارٹمنٹس کی سنگ بنیاد کی تقریب سے وزیراعظم عمران خان نے خطاب کرتے ہوئے کہا کہ اس منزل تک آنے کیلئے کئی مراحل طے کیے، فور کلوژر لاء کئی سالوں سے عدالتوں میں تھا، اپنی عدلیہ کا بھی شکریہ ادا کرتا ہوں، ان کے باعث اس منصوبے کو عملی جامہ پہنانے میں مدد ملی، پاکستان میں مکان بنانے کیلئے بینکوں سے قرض لینے کا رواج کم ہے، دنیا بھر میں بینکوں سے قرض لے کر گھر بنانے کا رواج ہے، اگر آپ کے پاس پیسے نہیں تو گھر بنا ہی نہیں سکتے، اب کرائے کی رقم بینکوں کی قسطوں میں ادا کر کے گھر کے مالک بن سکتے ہیں۔
عمران خان نے کہا کہ نقشے پھنس جاتے تھے، تعمیرات کیلئے اجازت نہیں ملتی تھی، کنسٹرکشن سیکٹر سے دیگر کئی انڈسٹریز ترقی کرتی ہیں، تعمیراتی شعبہ اور اس سے جڑی مزید صنعتیں چل پڑی ہیں، مارچ میں سب سے زیادہ سیمنٹ کی پیدا وار ہوئی ہے، تعمیراتی شعبے کیساتھ مزید تیس شعبے جڑے ہوئے ہیں، تعمیرات کے شعبے سے روزگار کے مواقع میں اضافہ ہوگا۔ ان کا کہنا تھا ہیلتھ کارڈ غریبوں کیلئے بہت بڑی نعمت ہے، ترقی یافتہ ممالک میں بھی یونیورسل ہیلتھ کوریج نہیں ہے۔