Apr 08, 2021 01:30 pm
views : 298
Location : Domestic Place
Lahore- Actress Meera is admitted to a Mentel Hospital in US
لاہور، میں پاگل نہیں ہوں،ہر پاگل یہی کہتا ہے، اداکارہ میرا کو امریکیوں نے پاگل خانے میں داخل کرادیا، والدہ کی جانب سے تصدیق کردی گئی
پاکستان کی نامور اداکارہ میرا کو امریکا میں مینٹل ہسپتال میں داخؒل کرلیا گیا ہے، میرا کی والدہ بیگم شفقت زہرا بخاری نے وزیر اعظم عمران خان سے اپیل کی ہے کہ ان کی بیٹی کو وطن واپس لایا جائے۔
تفصیلات کے مطابق اداکارہ میرا جو امریکا میں موجود ہیں ایک بار پھر مشکلات کا شکار ہو گئیں، میرا کورونا کی ویکسی نیشن کے بعد بخار محسوس کررہی تھیں، معمول کے چیک اپ کیلئے اسپتال گئیں جہاں انہوں نے پروٹوکول اور اپنی شہرت کے حوالے سے ڈاکٹر کو بتایا۔
ڈاکٹر نے کہا کہ آپ شوبز اسٹار ہوں گی مگر میں اصول کے مطابق مریضوں کو ڈیل کرتا ہوں تاہم میرا کی جانب سے یہی باتیں جاری رہیں جس کے بعد ڈاکٹر نے مینٹل ہیلتھ والوں کو اطلاع دے دی۔
دوسری جانب اداکارہ کی والدہ بیگم شفقت زہرا بخاری نے بھی دعویٰ کیا ہے کہ 5 اپریل کو میری بیٹی میرا سے بات ہوئی جس میں میرا کا کہنا تھا کہ مجھے کسی نے مینٹل اسپتال میں داخل کر دیا ہے، میں نے بڑا شور ڈالا کہ میں پاگل نہیں ہوں، انہوں نے کہا کہ آپ کا ٹیسٹ لیں گے۔شفقت بیگم نے کہا کہ جب میری میرا سے بات ہوئی اس وقت امریکا میں رات اور یہاں پر دن کا ٹائم تھا، اس وقت سے لے کر میری اب تک میرا سے بات نہیں ہو سکی ہے، میرا سے رابطہ کرنے کے لئے مسلسل فون کر رہی ہوں لیکن نمبر نہیں مل رہا نہ ہی وہاں سے فون آیا ہے۔انہوں نے وزیراعظم عمران خان سے اپیل کی کہ وہ اس مشکل وقت میں میری مدد کریں اور میری بیٹی کو پاکستان واپس لایا جائے۔