Apr 07, 2021 04:53 pm
views : 278
Location : Domestic Place
Lahore- FIFA suspends Pakistan Football Federation
لاہور، فیفا نے پاکستان فٹبال فیڈریشن کی رکنیت معطل کردی،پی ایف ایف ہیڈکوارٹر پر قبضہ معطلی کی بڑی وجہ بنا
پاکستان میں فٹبال کے ساتھ کھیلواڑ، فٹبال ہاؤس پر قبضے کے خلاف ایکشن لیتے ہوئے فیفا نے پاکستان فٹبال فیڈریشن کی رکنیت معطل کر دی۔ کرسی کی جنگ سے کھیل کو شدید نقصان پہنچا۔ پی ایف ایف ہیڈکوارٹر پر قبضہ معطلی کی بڑی وجہ بنا۔
فیفا حکام نے اپنے تحریری فیصلے میں دو ٹوک لکھا کہ فیفا کی بنائی ہوئی ہارون ملک کی سربراہی میں نارملائزیشن کمیٹی کو تمام اختیارات و انتظامات واپس کیے جائیں، ورنہ پاکستان کی رکنیت معطل رہے گی۔
قبل ازیں فیفا کے جاری کردہ اعلامیے میں فٹبال ہاؤس پر قبضے کی مذمت کرتے ہوئے نارملائزیشن کمیٹی کیساتھ ہونے والے سلوک پر تشویش کا اظہار کیا گیا تھا جبکہ قبضہ ختم نہ کرنے کی صورت میں پاکستان فٹبال فیڈریشن پر 5 سال تک پابندی کی وارننگ دی گئی تھی۔