Apr 06, 2021 02:32 pm
views : 282
Location : Domestic Place
Lahore- PPP decided to respond aggressively to the show cause notice
لاہور،
پیپلز پارٹی شوکاز نوٹس کا جارحانہ انداز میں جواب دے گی، پیپلز پارٹی نے ن
لیگ اور پی ڈی ایم کی پالیسی کو آڑے ہاتھوں لینے کا فیصلہ کرلیا
پاکستان پیپلزپارٹی نے حکومت مخالف اتحاد پاکستان ڈیموکریٹک موومنٹ (پی ڈی ایم )کے شوکاز نوٹس کا بھرپور جواب دینے کا فیصلہ کرلیا۔
چیئرمین
پیپلز پارٹی بلاول بھٹو زرداری نے پارٹی کے سینئر رہنماؤں کو سخت جواب
دینے کی ہدایت کر دی ہے۔ شیری رحمان، راجہ پرویز اشرف، فرحت اللہ بابر، نیر
بخاری سمیت دیگر شوکاز نوٹس کا جواب تیار کریں گے۔
جواب تیار کرکے حتمی
منظوری کیلئے سابق صدر آصف علی زرداری اور چیرمین بلاول بھٹو کو بھجوایا
جائے گا۔ پیپلزپارٹی نے شوکاز نوٹس جاری ہونے کے فوری بعد مرکزی مجلس عاملہ
(سی ای سی) کا اجلاس بھی طلب کرنے کا فیصلہ کر لیا۔
پیپلز پارٹی شوکاز
نوٹس کا جواب مصالحانہ کی بجائے جارحانہ انداز میں دے گی اور ن لیگ اور پی
ڈی ایم کی پالیسی کو ہدف تنقید بنائے گی۔پیپلز پارٹی شوکاز نوٹس کے الزامات
پر جلد پریس کانفرنس بھی کرے گی اور پی ڈی ایم کے اتحاد کو توڑنے کی
کوششوں کا ن لیگ کو ذمہ ٹہرایا جائے گا۔
خیال رہے کہ پی ڈی ایم کی جانب سے پیپلز پارٹی کو شوکاز نوٹس جاری کیا گیا ہے۔