Mar 03, 2021 05:34 pm
views : 276
Location : Domestic Place
Islamabad- ECP issues second ballot paper to Zardari after first one gets wasted
اسلام آباد، سابق صدر نے حکومت کو گئی گزری قرار دیدیا، آصف زرداری کہتے ہیں جو حکومت کو نہیں جانے دینا چاہتے وہ سنبھال کر بیٹھے ہیں
سابق صدر مملکت آصف علی زرداری نے حکومت کو گئی ہوئی قرار دیتے ہوئے کہا ہے کہ جو ان کو نہیں جانے دینا چاہتے وہ سنبھال کر بیٹھے ہیں۔
قومی اسمبلی کے باہر صحافی نے سابق صدر آصف زرداری سے سوال کیا کہ آپ نے پیش گوئی کی تھی کہ حکومت مارچ میں چلی جائے گی، جس پر انہوں نے جواب میں کہا کہ حکومت تو گئی ہوئی ہے،جو ان کو نہیں جانے دینا چاہتے وہ سنبھال کر بیٹھے ہیں۔
سابق صدر سے صحافی نے سوال کیا کہ کیا سینیٹ الیکشن میں بھی ان کا ہاتھ ہے، اس پر مسکراتے ہوئے آصف زرداری نے کہا کہ ان کا ہاتھ کب نہیں رہا۔
زرداری سے سوال کیا گیا کہ کیا آپ کو وہ قوتیں غیر جانبدار نظر آ رہی ہیں؟ جواب میں سابق صدر نے صحافی سے ہی سوال کیا کہ کہا کیا آپکو نظر آرہی ہیں۔
واضح رہے کہ سابق صدر آصف زرداری نے قومی اسمبلی میں ووٹ کاسٹ کر دیا ہے۔
قبل ازیں ان کا بیلٹ پیپر ضائع ہو گیا تھا، انہوں نے نئے بیلٹ پیپر کی درخواست دی تھی جس کے بعد انہیں دوسرا بیلٹ پیپر جاری کیا گیا،بیلٹ پیپر پر ہاتھ ہل جانے سے غیر متعلقہ جگہ پرنشان لگ گیا تھا۔