Feb 25, 2021 06:30 pm
views : 339
Location : Domestic Place
Lahore- I want to build a shelter for the protection and safety of dogs, says Sajid Ali Shah
لاہور، پورے پاکستان بھر کی سڑکوں پر گھومنے والے کتوں کو اولاد کی طرح پالنے کی خواہش ہے، ساجد شاہ
زندہ دلان شہر لاہور کا رہائشی ساجد علی شاہ انسانیت سے محبت کے ساتھ ساتھ بے زبان جانوروں کی خدمت اور تحفظ میں بھی پیش پیش ہے۔ شہر بھر کے آوارہ اور سڑکوں پر گھومنے والے کتوں کو محفوظ شیلٹر فراہم کرنے کے مشن پر گامزن ساجد علی شاہ اپنی مدد آپ کے تحت نصف درجن کتوں کی نگہداشت میں مصروف عمل ہے۔
ساجد شاہ نے بتایا کہ امریکی تحقیق سامنے آئی ہے کہ کتے پالنے والوں کو دل کی بیماریاں نہیں ہوتی اور مجھے یقین ہے کہ مجھے کبھی دل کی بیماری نہیں ہوگی کیونکہ سڑکوں پر پھرنے والے کتوں کیلئے میرے دل کی دھڑکیں تیز دھڑکتی ہیں، شریانیں اوپر رہتی ہیں اس لئے کبھی مجھے دل کی بیماریاں نہیں ہوسکتیں۔امریکن تحقیق میں یہ واضح بھی کیا گیا ہے کہ جس جس گھر میں ڈاگ پیڈ پائے گئے اس گھروں کے بچے صحتمند بھی ہیں اور تعلیم میں بھی آگے ہیں کیونکہ ڈوگ فزیکلی آپ کو سرگرم رکھتا ہے۔
ساجدعلی شاہ نے پورے پاکستان کے کتوں کو پالنے کی خواہش کا اظہار کرتے ہوئے کہا کہ میں اپنی حیثیت کے مطابق کام کررہا ہوں اور چھوٹا سا ڈوگ ویلفیئر ہاؤس بنایا ہوا ہے اور اب شیلٹر بنانا چاہتا ہوں، کتے انسان کو بے وجہ نہیں کاٹتے وہ صرف اپنا تحفظ کرنے کیلئے آگے پیچھے بھاگتے ہیں، میں انسان ہوں اور تین تک بھوکا رہ سکتا ہوں اور اس کے بعد اپنی خوراک پوری کرنے کیلئے کسی بھی حد تک جاؤں گا جبکہ کتوں کی چودہ روز تک کھائے بغیر زندگی ہے، پھر وہ چودہ روز بعد آخری سطح پر اپنی زندگی کی سانسیں لے رہے ہوتے ہیں،دانتوں اور جسمانی ساخت کی وجہ سے لوگ کتوں سے ڈرتے ہیں لیکن یہ ہمارے بلامعاوضہ محافظ ہیں۔ سائنٹیفک اعتبار سے کتوں کی عمر بارہ برس ہے۔
ساجد شاہ کی صاحبزادی سکینہ کا کہنا تھا کہ کتے پالنا میرا مشغلہ ہے اسی لئے میں نے موٹو، کولو، وائٹی، وائیٹو، میکسی، گولو کے نام سے کتے پال رکھے ہیں جو ہم سے پہلے سڑکوں پر گھومتے تھے اور میں آگے چل کر رضاکار ہی بننا پسند کروں گی۔