Feb 15, 2021 03:34 pm
views : 263
Location : Domestic Place
Lahore- Govt trying to disrupt peaceful election campaign of opposition, Maryam Nawaz
لاہور، پی ڈی ایم کو توڑنے والے خود ٹوٹ جائیں گے، مریم نواز
پاکستان مسلم لیگ (ن) کی نائب صدر مریم نواز کا کہنا ہے کہ گوجرانوالہ ن لیگ کا شہر ہے، ہم پر امن طریقے سے الیکشن مہم چلا رہے ہیں، پر امن ریلی کو نقصان پہنچانے کی کوشش کی تو جواب دیا جائے گا، وہ بات کرتی ہوں جس کا مجھے ذاتی طور پر علم ہوتا ہے، اشیائے ضروریہ کی قیمتوں میں مسلسل اضافہ ہو رہا ہے، عوام کے اندر بے چینی ہے، وہ مہنگائی سے تنگ ہیں۔
وزیر آباد روانگی سے قبل جاتی امرا میں ذرائع ابلاغ عامہ کے نمائندوں سے گفتگو کرتے ہوئے مرین نواز کا مزید کہنا تھا کہ جو حالات چل رہے ہیں، یہ نہ ہو سینیٹ الیکشن کے دوران تحریک عدم اعتماد آ جائے، پیرا شوٹ کے ذریعے ٹکٹ لینے والے عوام کے غضب کا سامنا کریں گے، حکومت اپنی شکست دیکھ کر اوچھے ہتھکنڈوں پر اتر آئی، سرجری کیلئے باہر جانا ضروری لیکن ای سی ایل سے نام نکالنے کیلئے درخواست نہیں دوں گی، باہر نہیں جاؤں گی، اب آپ کو جانا پڑے گا۔پی ٹی آئی نے ارب پتی افراد کو امیدوار بنایا، بائیس سالہ جدوجہد میں کوئی ایسا شخص نہیں ملا جس کو ٹکٹ دے سکیں، حکمران جماعت کیخلاف ہر صوبے سے اپنے ہی لوگ کھڑے ہوگئے۔
مریم نواز نے یہ بھی کہا کہ ہماری کوشش ہے سینیٹ میں اچھے لوگ آئیں، مسلم لیگ (ن) نے عام آدمی کو سینیٹ ٹکٹ دیا، اپنے قائد نواز شریف اور پارٹی قیادت پر فخر ہے، ن لیگ نے ان کو ٹکٹ دیا جن کی سیاسی جدوجہد ہے، ن لیگ نے عوام کی صحیح نمائندگی کا حق ادا کیا، یوسف رضا گیلانی پی ڈی ایم کے متفقہ امیدوار ہیں، پی ڈی ایم کو توڑنے کے خواب دیکھنے والے خود ٹوٹ جائیں گے۔ انہوں نے کہا کہ دھاندلی ایک حد تک ہوسکتی ہے، عوام کھڑے ہو جائیں تو دھاندلی نہیں ہو سکتی۔