Jan 10, 2021 07:58 pm
views : 260
Location : Different Places
Islamabad- Pakistan Coronavirus: 502,416 Cases and 10,644 Deaths
کورونا مزید چھیالیس افراد کی جان لے گیا
کورونا مزید چھیالیس افراد کی جان لے گیا، اب تک دس ہزار 644 اموات ہو چکی ہیں۔ ملک بھر میں دو ہزار 899 نئے مریض سامنے آئے ہیں۔
کورونا کی دوسری لہر بے قابو، اموات کا سلسلہ نہ رک سکا۔ مہلک وائرس مزید چھیالیس افراد کی زندگیاں نگل گیا، ملک بھرمیں جاں بحق افرادکی تعداد 10 ہزار 644 ہو گئی، 24 گھنٹے میں مزید 2 ہزار 899 کیس رپورٹ سامنے آئے۔
کورونا مریضوں کی تعداد 5 لاکھ 2 ہزار 416 ہوگئی، فعال مریضوں کی تعداد 33 ہزار 474 ہے۔ نیشنل کمانڈ اینڈ آپریشن سینٹر کے مطابق پنجاب میں ایک لاکھ 44 ہزار 909، سندھ میں 2 لاکھ 25 ہزار 509، خیبرپختونخوا میں 61 ہزار 148، بلوچستان میں 18 ہزار 373 کیسز رپورٹ ہو چکے ہیں جبکہ اسلام آباد میں 39 ہزار 120، گلگت بلتستان میں 4 ہزار 879، آزاد کشمیر میں کورونا مریضوں کی تعداد 8 ہزار 478 کیسز رپورٹ ہوئے۔
نیشنل کمانڈ اینڈ آپریشن سینٹر کے مطابق ملک بھر میں اب تک کورونا سے متاثر 4 لاکھ 56 ہزار 969 مریض صحت یاب ہو چکے ہیں جبکہ 2 ہزار 278 مریضوں کی حالت تشویشناک ہے۔