کراچی، سائٹ ایریا میں فیکٹری کی چھت گر گئی، دو افراد جاں بحق ، متعدد ملبے تلے دبے ہیں، پولیس
www.tnnlive.tv
سائٹ انڈسٹریل ایریا میں ایک گارمنٹ فیکٹری کی چھت گرگئی جس سے متعدد افراد ملبے تلے دب گئے۔
ایدھی فاؤنڈیشن کے عملے کے مطابق واقعہ سائٹ میں سیمنٹ چورنگی کے قریب پیش آیا۔
سائٹ ایسوسی ایشن کے عہدے دار فرحان کے مطابق فیکٹری کی چھت گرنے سے متعدد افراد کے ملبے تلے دبے ہونے کی اطلاع ملی جس پر سائٹ ایسوسی ایشن کی امدادی ٹیمیں اور دیگر ریسکیو اداروں کے رضاکار موقع پر پہنچ گئے۔
دوسری جانب علاقہ مکین بھی امدادی کارروائیوں میں حصہ لے رہے ہیں جب کہ رینجرز اور پولیس بھی امداد کے لیے موجود ہے۔
پولیس کے مطابق یہ واقعہ سائٹ ایریا تھانے کی حدود میں پیش آیا ہے۔