Sep 17, 2020 06:15 pm
views : 287
Location : Domestic Place
Islamabad- Pakistan has overcome Code 19 and in this regard Pakistan is commendable, says World Health Organization
اسلام آباد، پاکستان نے کورونا وبا پر قابو پالیا، نمائندہ عالمی ادارہ صحت
www.tnnlive.tv
عالمی ادارہ صحت کے نمائندے ڈاکٹر پلیتھا ماہی پالا نے ورلڈ سیفٹی ڈے پر پریس بریفنگ میں کہا ہے کہ آج پاکستان نے کووڈ 19 پر قابو پالیا ہے اور اس حوالے سے پاکستان قابل تعریف ہے۔
عالمی ادارہ صحت اسلام آباد میں نیوز کانفرنس کرتے ہوئے ڈاکٹر پلیتھا ماہی نے بتایا کہ آج کا دن بہت اہم ہے، ہیلتھ ورکرز محفوظ ہونگے تو مریض محفوظ رہے گے، کورونا صورتحال میں ہمارے ہیلتھ ورکرز نے مثالی کردار ادا کیا۔
ڈاکٹر پلیتھا ماہی نے کہا کہ پاکستان دنیا کے 7 ممالک میں سے ہے جس نے وبا پر قابو پالیا، اگرچہ اسکول کھلنے سے مشکلات کا سامنا ہے، تاہم ہم طبی عملے اور ٹیچرز کو ٹریننگ دے رہے ہیں تاکہ آگاہی پھیلا سکیں، وزارت صحت، ڈبلیو ایچ او اور تمام ادارے مل کر کام کر رہے ہیں۔
اس موقع پر پمز کے ایگزیکٹو ڈائریکٹر ڈاکٹر انصر نے کہا کہ چین سے کورونا وبا شروع ہوئی تو پاکستان میں اسے روکنے کےلیے ہر ممکن اقدامات کئے گئے، پاکستان نے اس چیلنج کا سامنا کیا، ہمارے ملک میں وبا اس طرح اثر انداز نہیں ہوئی جیسے دیگر ممالک میں ہوئی۔
ڈاکٹر انصر نے مزید کہا کہ پمز ہسپتال نے ہمیشہ کوشش کی کہ ہر حالت میں لوگوں کو سہولیات دی جائے، ڈبلیو ایچ او کے کردار کو سراہتے ہیں کہ انہوں نے اہم کرادار ادا کیا۔