Sep 11, 2020 06:32 pm
views : 315
Location : Different Places
Karachi- 'Two Pakistan theory' negates Quaid-e-Azam's ideology: Bilawal
کراچی،جو ملک کو دو پاکستان کے نظریئے کی جانب دھکیل رہے ہیں، بہت بڑی ناانصافی کر رہے ہیں،بلاول
چیئرمین پی پی پی بلاول بھٹو زرداری نے قائداعظم محمد علی جناحؒ کی برسی پر اپنے ایک پیغام میں بابائے قوم کو شاندار الفاظ میں خراج عقیدت پیش کیا ہے۔
بلاول بھٹو زرداری نے اپنے پیغام میں کہا ہے کہ نظریہِ پاکستان ملک کی بنیاد ہے، جو ملک کو دو پاکستان کے نظریئے کی جانب دھکیل رہے ہیں، بہت بڑی ناانصافی کر رہے ہیں، قائداعظم کے وژن سے انحراف کرنے سے باز آجائیں۔
بلاول بھٹو زرداری نے کہا ہے کہ پوری قوم کو یقینی بنانا ہوگا، کوئی نظریئے پاکستان سے پیچھے نہ ہٹے، قائداعظم نے سیاسی و جمہوری جدوجہد کے ذریعے مسلمانوں کے لیے ملک قائم کیا۔
انہوں نے مزید کہا کہ ایک ایسا ملک جہاں امپیرئل حکومتوں کے برعکس سب قانون کے آگے برابر ہوں گے، وگرنہ آزادی سے پہلے ایک ملک میں کئی قانون ہوتے تھے۔
اس دوران انہوں نے بھٹو خاندان سے متعلق بات کرتے ہو ئے کہا ہے کہ شہید بھٹو اور شہید محترمہ بینظیر بھٹو نے نظریہ پاکستان اور اس کو مضبوط بنانے کے لیے جدوجہد کی، اس مقصد کی حصول کی خاطر انہوں نے ملک کو پہلا متفقہ آئین، مضبوط دفاع، مستحکم معاشی ڈھانچہ دیا۔
بلاول بھٹو زرداری نے کہا ہے کہ جب کبھی قائداعظم کے ویژن کو روندنے کی کوشش کی جائے گی، پیپلز پارٹی اس کے خلاف مزاحمت کی پہلی صف میں ہوگی۔