Aug 24, 2020 06:29 pm
views : 277
Location : Different Places
Islamabad- Pakistan Coronavirus: 293,261 Cases and 6,244 Deaths,Corona death toll witnesses increase in Sindh
سندھ میں کرونا وائرس موجود، ملک کے بقیہ حصوں میں کوئی موت نہیں ہوئی
گزشتہ 24 گھنٹوں کے دوران سندھ کے علاوہ ملک کے دیگر حصوں میں کرونا وائرس سے کوئی موت نہیں ہوئی۔
نیشنل کمانڈ اینڈ آپریشن سینٹر کا کہنا ہے کہ ملک میں گزشتہ 24 گھنٹوں کے دوران کرونا وائرس کے 9 مریض انتقال کر گئے جس کے بعد ملک میں کرونا وائرس سے ہلاکتوں کی مجموعی تعداد 6 ہزار 244 ہوچکی ہے۔
گزشتہ 24 گھنٹے میں سندھ کے علاوہ ملک کے دیگر حصوں میں کرونا وائرس سے کوئی اموات نہیں ہوئیں۔
این سی او سی کا کہنا ہے کہ گزشتہ 24 گھنٹوں کے دوران ملک میں 496 افراد میں کرونا وائرس کی تصدیق ہوئی، ملک میں کرونا وائرس کے مجموعی کیسز کی تعداد 2 لاکھ 93 ہزار 261 ہوچکی ہے۔
ملک میں فعال کیسز کی تعداد 10 ہزار 188 ہے جبکہ 2 لاکھ 76 ہزار 829 مریض صحتیاب ہو چکے ہیں۔
این سی او سی کے مطابق گزشتہ 24 گھنٹوں کے دوران ملک بھر میں 23 ہزار 655 کرونا وائرس کے ٹیسٹ کیے گئے جبکہ مجموعی طور پر کیے جانے والے ٹیسٹس کی تعداد 24 لاکھ 63 ہزار 513 ہوچکی ہے۔
این سی او سی کا کہنا ہے کہ ملک بھر کے 735 اسپتالوں میں کرونا وائرس کے 11 سو 63 مریض زیر علاج ہیں جن میں سے 115 مریض وینٹی لیٹر پر ہیں۔