Aug 07, 2020 08:16 pm
views : 299
Location : Domestic Place
Lahore- Pakistan is moving forward on every front including diplomacy, Governor Punjab
لاہور، سیاسی پوائنٹ سکورنگ کرنیوالوں کو مایوسی کے سوا کچھ نہیں ملے گا، گورنر پنجاب
گورنر پنجاب چودھری سرور نے وفود سے گفتگو کرتے ہوئے کہا حکومت پارلیمنٹ کے اندر اور باہر مضبوط ہے، کسی دباؤ میں آنیوالے نہیں، تمام حکومتی سٹیک ہولڈرز ایک پیج پر اور ملک و قوم کو مضبو ط کر رہے ہیں، عوام کی خدمت سے بڑھ کر حکومت کی کوئی اور ترجیح نہیں، اداروں میں اصلاحات کے لیے پہلی بار کوئی حکومت کام کر رہی ہے۔
چودھری سرور کا کہنا تھا قومی اداروں کو کرپشن اور سیاسی مداخلت سے پاک کر رہے ہیں، سلامتی کونسل کا مسئلہ کشمیر دوبارہ زیر غور لانا سفارتی محاذ پر بڑی کامیابی ہے، پاکستان سفارتی سمیت ہر محاذ پر کامیابی کیساتھ آگے بڑھ رہا ہے، مسئلہ کشمیر کا حل اقوام متحدہ کی قرار دادوں کے مطابق ہونا چاہیے، بھارت نے نازی سیاست اور پیلٹ گن کا استعمال اسرائیل سے سیکھا ہے۔