Aug 07, 2020 08:10 pm
views : 292
Location : Domestic Place
Karachi- Sindh Government has sought census data from federal government
کراچی، سندھ حکومت نے وفاق سے مردم شماری کا ڈیٹا مانگ لیا
سندھ حکومت نے مردم شماری ڈیٹا کیلئے وفاقی ادارہ شماریات کو خط لکھ کر کہا ہے کہ صوبے میں غربت پر قابو پانے کیلئے سماجی تحفظ اور معاشی استحکام کا پروگرام متعارف کرایا جا رہا ہے، جس کیلئے مردم شماری ڈیٹا درکار ہے۔
خط میں کہا گیا ہے کہ سندھ حکومت نے آئندہ مالی سال کے بجٹ میں ‘غریب پرور، سماجی تحفظ اور معاشی استحکام انیشی ایٹو’ متعارف کرایا ہے جس میں شہری علاقوں میں غربت کے خاتمے کے پروگرام کے لیے 3 ارب روپے رکھے گئے ہیں، جب کہ دیہی علاقوں میں چھوٹے کاشت کاروں کے لیے غربت کے خاتمے کے پروگرام کے لیے 2 ارب روپے تجویز کیے گئے ہیں۔
خط میں کہا گیا کہ اس تناظر میں ادارہ شماریات سے درخواست ہے کہ آبادی کی تفصیلات، شہری، دیہی آبادی کا بلاک وائز ڈیٹا اور نقشہ جات فراہم کیے جائیں، سندھ حکومت کی جانب سے یہ بھی کہا گیا ہے کہ مطلوبہ ڈیٹا صوبائی شماریات دفتر کے ذریعے فراہم کیا جائے۔
سندھ حکومت نے خط میں لکھا ہے کہ آبادی کے اعداد و شمار سماجی پروگرام کے لیے مدد گار ہوں گے۔ خط میں یہ بھی کہا گیا ہے کہ وزیر اعلیٰ سیکریٹریٹ میں قائم سوشل پروٹیکشن اسٹریٹجک یونٹ (ایس پی ایس یو) کو تمام تفصیلات فوری فراہم کی جائے۔