Aug 05, 2020 04:58 pm
views : 300
Location : Legislative Assembly
Muzzafarabad- Modi made a huge mistake on August 5 last year, PM Imran
مظفرآباد، کشمیر ایسی صورتحال سے گزر رہا ہے جس کا اختتام آزادی ہے، وزیراعظم عمران خان
آزاد جموں و کشمیر قانون ساز اسمبلی سے وزیراعظم عمران خان نے خطاب کرتے ہوئے کہا کہ پاکستان کو تیزی سے ترقی کرتے دیکھا اور تنزلی بھی دیکھی، ساٹھ کی دہائی میں دنیا پاکستان کی مثال دیا کرتی تھی، اصولوں پر چلنے والی قوم ترقی کرتی ہے، قوم جب اصولوں سے ہٹ جاتی ہے تو نیچے آ جاتی ہے، جو صلاحیتیں پاکستانی قوم میں ہیں وہ کسی اور میں نہیں، پاکستان میں ترقی یافتہ ملک بننے کی بھرپور صلاحیت ہے۔
وزیراعظم کا کہنا تھا مایوس کبھی نہیں ہونا چاہیئے، مودی گزشتہ سال پانچ اگست کو بہت بڑی غلطی کر بیٹھا ہے، مودی نے پاکستان کیخلاف نفرت کی بنیاد پر الیکشن جیتا، مودی نے ہندوازم کی بنیاد پر انتخاب جیتا، بھارت کو بار بار کہا آپ ایک قدم اٹھائیں ہم 2 قدم بڑھائیں گے، بی جے پی حکومت آنے پر مودی کا کشمیریوں پر ظلم بڑھ گیا، بھارت کے تمام اقدامات کے پیچھے تکبر ہے۔
عمران خان نے کہا بھارت غلط فہمی میں تھا آٹھ لاکھ فوج بھیج کر کشمیریوں کو دبالے گا، مودی سمجھتا تھا بھارت بڑی معیشت ہونے کے باعث دنیا خاموش رہے گی، بھاری اکثریت سے الیکشن جیتنے پر مودی نے کشمیر کی حیثیت تبدیل کی، مودی سمجھتا تھا اس اقدام سے پاکستان خاموش رہے گا، بھارت آر ایس ایس غنڈوں کے ذریعے دہشت پھیلانا چاہتا تھا، لیڈر کبھی نفرتیں پھیلا کر ووٹ حاصل نہیں کرتا۔