Aug 03, 2020 09:10 pm
views : 295
Location : Different Places
Karachi- NDMA launches cleanliness campaign in rain-hit Karachi
وزیر اعلیٰ سندھ کا کراچی کے مختلف مقامات کا دورہ
وزیراعلیٰ سندھ مراد علی شاہ نے کراچی کے مختلف مقامات کا دورہ کیا اور نالوں کی صفائی ستھرائی کے اقدامات کا جائزہ لیا۔
وزیراعلیٰ سندھ کے ترجمان کے مطابق وزیراعلیٰ مراد علی شاہ شہر کے دورے کے دوران ڈی ایم سیز کی کارکردگی اور ضلعی انتظامیہ کے اقدامات کا جائزہ لیا۔
ترجمان وزیر اعلیٰ سندھ نے کہا کہ سید مراد علی شاہ قیوم آباد میں آلائشوں کو ٹھکانے لگانے کی جگہ کا معائنہ بھی کیا۔
اس کے علاوہ انہوں نے بتایا کہ ایم ڈی سولڈ ویسٹ کاشف گلزار نے وزیر اعلیٰ سندھ مراد علی شاہ کو بریفنگ دیتے ہوئے کہا کہ 6 اضلاع میں 85 آلائشیں کلیکشن پوائنٹس بنائے ہیں۔
ایم ڈی سولڈ ویسٹ کاشف گلزار نے کہا کہ 7892 ٹن آلائشیں ضلع جنوبی، 9351 ٹن آلائشیں ضلع شرقی اور 3738 ٹن آلائشیں ضلع ملیر سے اُٹھائیں۔
ترجمان وزیر اعلیٰ سندھ نے بتایا کہ مراد علی شاہ نے محمود آباد نالے کا بھی معائنہ کیا، وزیر اعلیٰ کو بریفنگ میں کہا گیا ہے کہ محمود آباد نالے کی صفائی کا کام جاری ہے۔
ترجمان وزیراعلیٰ کا کہنا ہے کہ لیاقت آباد میں وزیراعلیٰ کو دیکھ کرعوام ملنےپہنچ گئی،عوام نے وزیراعلیٰ سے گھروں اور گلیوں کی صفائی نہ ہونے کی بھی شکایت کی۔
وزیراعلیٰ نے ہدایت کرتے ہوئے کہا کہ مجھےکام چاہیے،لوگوں کی صحیح طریقےسےدیکھ بھال کریں۔
وزیر اعلیٰ سندھ کا اورنگی ٹاؤن کے نالے کا معائنہ اور نالے کی صفائی کے کام کا جائزہ لیتے ہوئے انہوں نے ہدایت دی کہ نالےکی صفائی کےکام کو مزید تیز کریں۔
اس کے بعد وزیر اعلیٰ مراد علی شاہ نے ڈسٹرکٹ سینٹرل میں عید گاہ گراؤنڈکا دورہ کیا جہاں انہوں نے آلائشیں کلیکشن پوائٹ کا معائنہ کیا۔
وزیراعلیٰ مراد علی شاہ کے ڈی اے چورنگی پہنچے تو چیئرمین ڈی ایم سی سینٹرل ریحان ہاشمی نے وزیراعلیٰ کو بریفنگ دیتے ہوئے کہا کہ گرین لائن پروجیکٹ کےستون سیفی کالج کے ساتھ نالے میں ہیں جس کی وجہ سے یہ نالا بند ہوگیا ہے، اس مسئلے کے حل تک یہ علاقہ بارشوں میں ڈوبتا رہے گا۔
چیئرمین ڈی ایم سی سینٹرل نے وزیر اعلیٰ سندھ کو بتایا کہ یہ نالہ گرین لائن کے ٹریک کے نیچے آگیا ہے جس کی وجہ سے حیدری مارکیٹ اور رہائشی علاقے ڈوب جاتے ہیں، اس مسئلے کا جلد حل نکالنے کی ضرورت ہے۔
اس کے بعد وزیر اعلیٰ سندھ نے ناگن چورنگی کا دورہ کیا جہاں ریحان ہاشمی اور رہائشیوں نے وزیراعلیٰ کو مسئلے سے آگاہ کرتے ہوئے کہا کہ ان نالوں کا کوئی متبادل نہیں بنا تو نکاسی کا مسئلہ رہے گا۔
واضح رہے کہ نیشنل ڈیزاسٹر منیجمنٹ اتھارٹی (این ڈی ایم اے ) کے تعاون سے کراچی میں بڑے پیمانے پر نالوں کی صفائی کا کام شروع کردیا گیا ہے، پاک فوج اور ایف ڈبلیو او کی ٹیمیں گجر نالے کا کچرا نکالنے پہنچ گئی ہیں،نالوں سے نکالا گیا کچرا فوری طور لینڈ فِل سائٹ پر منتقل کرنے کا عمل بھی جاری ہے۔