Jul 21, 2020 06:23 pm
views : 302
Location : Domestic place
Islamabad- court summons Cynthia Ritchie in Rehman Malik case
اسلام آباد ،عدالت کی سنتھیا رچی کو تیس ہزار روپے کے ضمانتی مچلکے جمع کرانے کی ہدایت
عدالت نے سنتھیا رچی کے وکیل کی درخواست منظور کرتے ہوئے انہیں 30 ہزار کے مچلکے عدالت میں جمع کرانے کی ہدایت کی۔
سنتھیا رچی نے درخواست قذف آرڈیننس پرپورا نا اترنے پر مقدمہ خارج کرنےکی درخواست کی جس میں مؤقف اپنایا گیا ہےکہ شکایت کنندہ قذف آرڈیننس کے مطابق ’محسن‘ نہیں قرار دیا جاسکتا اور جو شخص محسن قرار نا دیا جا سکے وہ قذف کا کیس نہیں کرسکتا۔
اس موقع پر رحمان ملک کے وکیل نےکہا کہ سنتھیا رچی عدالتی حکم کے باوجود مسلسل بدنامی پرمبنی مواد پوسٹ کررہی ہیں، ان کے بدنامی پرمبنی مواد پوسٹ کرنے پر توہین عدالت کا مقدمہ کیا جائے۔
دورانِ سماعت جج نے سنتھیا سے سوال کیا کہ آپ کو پاکستان میں ویزا کا کوئی مسئلہ ہے؟ اس پر انہوں کہامجھے پاکستان میں ویزے کا کوئی مسئلہ نہیں،
بعد ازاں عدالت نے سماعت 11 اگست تک ملتوی کردی۔
سماعت کے بعد میڈیا سے گفتگو میں سنتھیا رچی نے کہا کہ پاکستان میرا دوسرا گھر ہے، میں عورت یا امریکی شہری ہونے کی وجہ سے کسی کی ہمدردی نہیں چاہتی، مجھے عدالت سے غیر جانبدارانہ کارروائی کی امید ہے،انہوں نے کہا کہ میں 31 اگست کے بعد ویزے میں توسیع کراؤں گی۔