اسلام آباد،اللہ کاشکر ہے کہ پاکستان کی سمت درست جانب جارہی ہے،وزیر اعظم
وزیراعظم
عمران خان کا کہنا ہے کہ اللہ کاشکر ہے کہ پاکستان کی سمت درست جانب جارہی
ہے، اب ہمیں پاکستان کی معیشت کو آگے لیکر جانا ہے ، 14 ماہ کے بعد ملکی
معیشت مستحکم ہوچکی ہے۔
تفصیلات
کے مطابق پاکستان میں ہوا سے 360میگاواٹ بجلی کی منصوبے پر دستخط کی تقریب
ہوئی ، وزیراعظم عمران خان نے تقریب سے خطاب کرتے ہوئے کہا کہ ماحول دوست
منصوبوں کے افتتاح پر خوشی ہے ، ،ہوا سے بجلی کی پیداوارماحول دوست اور
سستی بھی ہوگی۔
وزیراعظم کا کہنا تھا کہ چین کا70 کروڑ لوگوں کو غربت سے
نکالنا معجزہ ہے، چھوٹا سا سنگاپور جس کی ایکسپورٹ 300ارب ڈالر سےزیادہ
ہے، شارٹ ٹرم منصوبہ بندی ہماری بدقسمتی ہے اور چین کی کامیابی کا راز لانگ
ٹرم منصوبہ بندی ہے۔
عمران خان نے کہا پاکستان میں ہائیڈل الیکٹرک سٹی
کی بہت زیادہ صلاحیت ہے، ہائیڈل الیکٹرک کو چھوڑکر ہم نے مہنگے فیول سے
بجلی پیدا کی، ہمارا مقابلہ بنگلا دیش ،بھارت جیسے جنوبی ایشیا کے ممالک
سےہے۔
ان کا کہنا تھا کہ ماحولیاتی تبدیلی بہت بڑا چیلنج ہے ، پاکستان
کو آگے جاکر پانی کا مسئلہ اور بڑھ جائے گا ، اللہ نے ہمیں بڑے مشکل وقت سے
گزارا ہے ، اقتصادی ٹیم نے مشکل وقت کام کرکے روپے کو مستحکم کیا۔
وزیراعظم
نے مزید کہا کہ کرنٹ اکاؤنٹ خسارہ کم ہورہا ہے،ایکسپورٹ بڑھ رہی ہے، اللہ
کاشکر ہے کہ پاکستان کی سمت درست جانب جارہی ہے، اب ہمیں پاکستان کی معیشت
کو آگے لیکر جانا ہے اور عام آدمی کی زندگی کو بہتر بنانے کیلئے اقدامات
کریں گے۔
عمران خان کا کہنا تھا کہ حکومت کاپہلاسال بہت مشکل تھا،20ارب
ڈالرکاکرنٹ اکاؤنٹ خسارہ تھا ، منصوبے عالمی مالیاتی کارپوریشن اورعالمی
بینک کی مدد سے مکمل کریں گے ، 14 ماہ کے بعد ملکی معیشت مستحکم ہوچکی ہے۔