Nov 14, 2019 08:20 pm
views : 289
Location : Different Places
Islamabad- Interior ministry issues memo granting Nawaz permission to go abroad
وزارت داخلہ نے نوازشریف کو بیرون ملک جانے کی اجازت دینے کا نوٹیفکیشن جاری کردیا
وزارت داخلہ نے نوازشریف کو بیرون ملک جانے کی اجازت دینے کا نوٹیفکیشن جاری کردیا۔
سابق
وزیراعظم نوازشریف کو 4 ہفتوں کے لیے ایک بار بیرون ملک جانے کی مشروط
اجازت دے دی گئی ہے اور یہ فیصلہ نواز شریف کی صحت کی تشویش ناک صورت حال
کے باعث کیا گیا ہے۔ وزرات داخلہ کی جانب سے اس حوالے سے باضابطہ نوٹیفکیشن
بھی جاری کردیا گیا ہے۔
وزارت داخلہ کی جانب سے جاری میمورنڈم میں 80
لاکھ پاؤنڈ، 2 کروڑ 50 لاکھ امریکی ڈالر، 1.5 ارب روپے جمع کرانے کی شرط
رکھی گئی ہے، نوازشریف یا شہبازشریف وزار ت داخلہ کے ایڈیشنل سیکرٹری کو
شورٹی بانڈ جمع کرواسکتے ہیں، جب کہ نوازشریف روانگی کی تاریخ سے چار ہفتوں
کا میڈیکل ٹریٹمنٹ کروا سکیں گے۔
اسلام آباد میں پریس کانفرنس کے دوران
وفاقی وزیر قانون فروغ نسیم نے کہا کہ حکومت کو کسی بھی سزایافتہ مجرم سے
ضمانت اور سیکیورٹی بانڈ لینے کا حق حاصل ہے، نواز شریف کو شیورٹی بانڈ
دینا ہوگا، حکومت شرائط کے ساتھ نواز شریف کا نام ای سی ایل سے نکالنے کا
فیصلہ جاری کرے گی، باقی ان کی مرضی ہے کہ وہ کیا فیصلہ کرتے ہیں۔ اگر
دوران علاج نواز شریف کی طبیعت بہتر نہیں ہوتی تو انہیں ملنے والی مدت میں
توسیع ہوسکتی ہے۔