Jul 04, 2019 05:01 pm
views : 309
Location : Different Places
Islamabad- ECP issues detail of assets of senators
اسلام آباد،الیکشن کمیشن آف پاکستان نے سینیٹرز کے اثاثوں کی تفصیلات جاری کردی
الیکشن کمیشن آف پاکستان نے سینیٹرز کے اثاثوں کی تفصیلات جاری کردی ہیں،پی ٹی آئی کے سینیٹر اعظم سواتی کے اثاثوں کی مالیت 1ارب 84کروڑ روپے ہے،پی پی سینیٹر انور لعل غریب ترین رکن سینیٹ ہیں،وہ 11لاکھ روپے کے اثاثوں کے مالک ہیں۔
چیئرمین سینیٹ صادق سنجرانی کے اثاثوں کی مالیت 9کروڑ 93 لاکھ روپے سے زائد ہے، جن میں پراپرٹی کی مالیت 5کروڑ 53لاکھ اور کاروبار کی مالیت 3کروڑ 30لاکھ روپے ہے۔
ڈپٹی چیئرمین سینیٹ سلیم مانڈوی والا کے اثاثوں کی مالیت 12 کروڑ 64لاکھ روپے ہے جبکہ قائد ایوان سینیٹر شبلی فراز کے اثاثوں کی مالیت 25کروڑ روپے سامنے آئی ہے۔
سینٹ میں قائد حزب اختلاف سینیٹر راجا ظفر الحق کے اثاثوں کی مالیت 94 لاکھ روپے ہے جبکہ ن لیگ کے پارلیمانی لیڈر سینیٹر مشاہد اللہ خان کے اثاثوں کی مالیت 2کروڑ 44لاکھ روپے ہے۔
پی پی کی پارلیمانی لیڈر شیری رحمٰن کے اثاثوں کی مالیت 25کروڑ 64لاکھ روپے ہے جبکہ سابق چیئرمین سینیٹ سینیٹر رضا ربانی کے اثاثوں کی مالیت 12کروڑ 80لاکھ روپے اور فاروق ایچ نائیک کے اثاثوں کی مالیت 9کروڑ 92لاکھ روپے ہے۔
سینیٹر حاصل بزنجو کےاثاثوں کی مالیت 58لاکھ روپے، سینیٹر عثمان خان کاکڑ کے اثاثوں کی مالیت 16کروڑ 98لاکھ روپے ہے۔
امیر جماعت اسلامی سینٹر سراج الحق کے اثاثوں کی مالیت 31 لاکھ روپے سے زائد ہے۔
سینیٹر نزہت صادق 13کروڑ روپے اور خوش بخت شجاعت 5کروڑ 44 لاکھ روپے کے اثاثوں کی مالک ہیں۔
سابق وفاقی وزیر سینیٹر رحمٰن ملک پاکستان میں ساڑھے 3کروڑ روپے جبکہ لندن میں 13لاکھ پاونڈ پراپرٹی کے مالک ہیں۔
پی پی کے سینیٹر مصطفیٰ نواز کھوکھر کے اثاثوں کی مالیت 25 کروڑ روپے ہے جبکہ ان کی برطانیہ میں بھی پراپرٹی ہے۔
سینیٹر محسن عزیز کے اثاثوں کی کل مالیت 57کروڑ روپے ہے جبکہ سینیٹر طلحہ محمود کے اثاثوں کی مالیت 36کروڑ روپے سے زیادہ ہے۔