span style="font-family: jameel-noori-nastaleeq; font-size: medium;"> پنجاب کے مختلف علاقوں میں شدید دھند کا راج برقرار ہے، حد نگاہ متاثر ہونے پر موٹرویز کو مختلف مقامات سے بند کردیا گیا۔  ایم 2 ٹھوکر نیاز بیگ سے ہرن مینار، ایم 3 فیض پور جنکشن سے جڑانوالہ اور ایم 4 شیر شاہ سے پنڈی بھٹیاں تک بند کی گئی۔ موٹروےایم 4 گوجرہ سے ملتان تک اور موٹروے ایم 5 ملتان سےظاہر پیر تک بند کردی گئی۔ ترجمان موٹر وے پولیس کےمطابق قومی شاہراہ پر مانگا منڈی، پتوکی، اوکاڑہ، ساہیوال، چیچہ وطنی اور میاں چنوں میں دھند چھائی ہوئی ہے۔ خانیوال، ملتان، بستی ملوک، لودھراں، بہاولپور، احمد پورشرقیہ، رحیم یارخان اور صادق آباد میں بھی دھند کا راج برقرار ہے۔ موٹر وے پولیس نے شہریوں کو غیر ضروری سفر سے گریز کی ہدایت کردی۔ موٹروے بندش کی وجہ وے پریشان ایک شہری علی رضا کا کہنا تھا کہ سموگ کی وجہ سے حکومت نے موٹروے بند کردیا ہے جس کی وجہ سے بہت پریشانی کا سامنا کرنا پڑرہا ہے تاہم میں یہ سمجھتا ہوں کہ موٹروے بند کرنا مسئلے کا حل بالکل نہیں ہے۔ ایک اور نوجوان محمد قاسم کا کہنا تھا کہ ہم تو یہاں رات سے پھنسے ہوئے ہیں۔ گاڑی میں ساری رات سو کر گزاری ہے۔