Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Dec 17, 2016 09:49 pm views : 1051

Location : Greater Iqbal Park

Lahore- PM Nawaz Sharif inaugurates greater Iqbal Park in Lahore

لاہور، گریٹر اقبال پارک ترقی کا نمونہ ہے دھرنے کی جگہ نہیں، وزیراعظم

وزیراعظم نواز شریف نے لاہور میں گریٹر اقبال پارک کا افتتاح کردیا۔
گریٹر اقبال پارک کی افتتاحی تقریب سے خطاب کرتے ہوئے وزیر اعظم نواز شریف کا کہنا تھا کہ گریٹر اقبال پارک ترقی کا نمونہ ہے، دھرنے کی جگہ نہیں ہے۔  گریٹر اقبال پارک میں چاروں صوبوں کی ثقافت کو اجاگر کرنا قابل تحسین ہے۔ پارک کی وجہ سے لاہور کی خوبصورتی میں اضافہ ہو گا۔
وزیر اعظم کا کہنا تھا کہ یہ پارک تاریخی واقعات کو اپنے دامن میں سمیٹے ہوئے ہے جبکہ بادشاہی مسجد ہمارے ماضی کی نشانی ہے۔ یہی وہ جگہ ہے جہاں ماضی مستقبل سے گلے مل رہا ہے۔
 وزیراعظم نے وزیر اعلیٰ پنجاب شہباز شریف اور ان کی ٹیم کو مبارکباد دیتے ہوئے کہا کہ  پارک کی وجہ سے لاہور کی خوبصورتی میں اضافہ ہو گا۔ شہباز شریف سے کہا ہے تاریخی عمارتوں کو مزید روشن کیا جائے۔ شاہی قلعہ میں تزئین و آرائش کا کام بھی شروع ہونے والا ہے۔
 وزیر اعظم نے اپنے خطاب میں کہا ماضی کی حکومتوں نے اپنی ذم داریوں  کو پورا نہیں کیا اور ماضی کی حکومتوں نے تہذیب و ثقافت کو بھی نظر انداز کیا جبکہ موجودہ حکومت یہ ذمہ داریاں بھی پوری کر رہی ہے۔
 انہوں نے کہا گریٹر اقبال پارک ترقی کا نمونہ ہے دھرنے کی جگہ نہیں۔ دہشت گردی کا خاتمہ ہو رہا ہے اور بلوچستان تیزی سے ترقی کر رہا ہے جہاں تیز رفتاری سے ترقیاتی کام ہو رہے ہیں  اور وہاں سڑکوں کا جال بچھایا جا رہا ہے۔ بلوچستان میں تیزی سے حالات بدل رہے ہیں، صوبہ بلوچستان خیبرپختونخوا سے جڑ رہا ہے۔ گوادر کی بدولت بلوچستان میں انقلاب آ رہا ہے، پہلے کوئٹہ سے گوادر جانے میں دو دن لگتے تھے اب 8 گھنٹے لگتے ہیں۔ جب تک شاہراہیں نہیں بنیں گی ملک میں ترقی کیسے آئے گی؟۔ ہماری حکومت کی یہ اولین ترجیح ہے کہ ملک میں موٹروے کا جال بچھایا جائے۔ اب موٹروے لاہور سے ملتان اور پھر سکھر جا رہی ہے۔
 وزیراعظم نے کہا اگر سڑکیں نہ ہوں تو پسماندہ علاقوں میں ترقی کیسے پہنچے گی؟۔ سڑکیں دلوں کو بھی قریب کریں گی۔ ملک میں بجلی کی قلت کا چیلنج تھا جس پر قابو پانے کیلئے دن رات کام کر رہے ہیں اور جلد اس بحران پر قابو پا لیں گے۔ بجلی کا بحران کس نے پیدا کیا ان حکمرانوں کا محاسبہ کرنا چاہیے۔ بجلی کی قلت کے ذمہ دار حکمرانوں نے مجرمانہ غفلت کا مظاہرہ کیا۔