Aug 12, 2021 01:01 pm
views : 275
Location : Domestic Place
Lahore-All charges have been leveled against NAB except for spreading corona, says Chairman NAB
لاہور، نیب پرکورونا پھیلانے کے الزام کے سوا سارے الزام لگ چکے ہیں، چیئرمین نیب کہتے ہیں نوے فیصد کیسوں کا مجھے علم نہیں ہوتا کس کے خلاف ہے
چیئرمین نیب جسٹس (ر) جاوید اقبال نے کہا ہے کہ نیب پرکورونا پھیلانے کے الزام کے سوا سارے الزام لگ چکے ہیں۔
لاہور میں منعقدہ تقریب سے خطاب کرتے ہوئے چیئرمین نیب کا مزید کہنا تھا کہ نیب کی کسی سے ذاتی دشمنی نہیں، تنقید ضرورکریں لیکن حقائق اورقانون کودیکھ کرکریں، کرپشن کے خاتمے کی کوشش پرالزامات کا سامنا کرنا پڑتا ہے، نیب سے متعلق نیب کا موقف بھی جان لینا چاہیے۔ نیب پرکورونا پھیلانے کے الزام کے سوا سارے الزام لگ چکے ہیں۔
چیئرمین نے کہا کہ 90 فیصد کیسوں کا مجھے علم نہیں ہوتا کس کے خلاف ہے، الزام ترشی کے باوجود نیب اپنا کام جاری رکھے گا، اگرہمیں فیصلے کرنے کا اختیار ہوتا تو سارے کیس نمٹا دیتے، پلے بارگین قانون میں موجود ہے اوراجازت عدالت دیتی ہے، زبردستی پلے بارگین ثابت کرنے پر سزا کیلئے خود کو پیش کروں گا، نیب جب بھی پلی بارگین کرتا ہے قانون کے مطابق کرتا ہے۔
چیئرمین نیب نے کہا کہ اتنےالزامات لگ چکے ہیں جواب دینے کا وقت نہیں ملتا، اگر نیب نے زیادتی کی ہے تو عدالت سے رجوع کیا جاسکتا ہے، نیب کا ادارہ کرپشن کے خاتمے کیلئے وجود میں آیا۔