Aug 06, 2021 01:00 pm
views : 264
Location : Domestic Place
Karachi- Pakistan reports 4,745 coronavirus cases, 67 deaths in 24 hours
کراچی، عالمی وباء نے پاکستان میں تیزی سے پنجے گاڑھنا شروع کردیئے، گزشتہ چوبیس گھنٹوں کے دوران وباء نے مزید سڑسٹھ جانیں لے لیں جبکہ ایک ہی روز میں چار ہزار سات سو پینتالیس نئے مریض رجسٹرڈ کرلئے گئے
نیشنل کمانڈ اینڈ آپریشن سینٹر (این سی او سی) کے تازہ ترین اعدادوشمار کے مطابق گذشتہ 24 گھنٹوں کے دوران 4 ہزار 745 نئے کیسز رپورٹ ہوئے، پنجاب میں 3 لاکھ 61 ہزار 458، سندھ میں 3 لاکھ 94 ہزار 748، خیبر پختونخوا میں ایک لاکھ 47 ہزار 26، بلوچستان میں 30 ہزار 967، گلگت بلتستان میں 8 ہزار 551، اسلام آباد میں 89 ہزار 569 جبکہ آزاد کشمیر میں 26 ہزار 86 کیسز رپورٹ ہوئے۔
ملک بھر میں اب تک ایک کروڑ 63 لاکھ 36 ہزار 171 افراد کے ٹیسٹ کئے گئے، گذشتہ 24 گھنٹوں کے دوران 57 ہزار 981 نئے ٹیسٹ کئے گئے، اب تک 9 لاکھ 54 ہزار 711 مریض صحتیاب ہوچکے ہیں جبکہ 4 ہزار 157 مریضوں کی حالت تشویشناک ہے۔
پاکستان میں کورونا سے ایک دن میں 67 افراد جاں بحق ہوئے جس کے بعد وائرس سے مرنے والوں کی تعداد 23 ہزار 702 ہوگئی۔ پنجاب میں 11 ہزار 141، سندھ میں 6 ہزار 126، خیبرپختونخوا میں 4 ہزار 507، اسلام آباد میں 809، بلوچستان میں 330، گلگت بلتستان میں 150 اور آزاد کشمیر میں 639 مریض جان سے ہاتھ دھو بیٹھے۔