Jul 24, 2021 01:40 pm
views : 273
Location : Different Places
Karachi- Animal waste rots on Karachi roads, people face difficulties
کراچی: آلائشیں ٹھکانے لگانے کا سلسلہ جاری
عیدالاضحیٰ گزرنے کے باوجود کراچی کے مختلف علاقوں میں آلائشیں اب تک مکمل نہیں اٹھائی گئی ہیں اور انہیں ٹھکانے لگانے کا سلسلہ جاری ہے۔
کراچی کے علاقوں صدر، برنس روڈ، ایم اے جناح روڈ پر صفائی کی صورتِ حال بہتر ہے۔
لی مارکیٹ، کھارادر اور لیاری کے مختلف علاقوں سے بھی آلائشیں اٹھا دی گئی ہیں۔
کریم آباد پل کے نیچے کچھ آلائشیں موجود ہیں جبکہ ایف سی ایریا میں بھی آلائشوں کا ڈھیر لگا ہوا ہے جس سے علاقے میں تعفن پھیلا ہوا ہے۔
ناگن چورنگی کے علاقے میں آلائشیں اٹھانے کے باوجود گلی محلوں سے تعفن اٹھ رہا ہے۔
سندھ سالڈ ویسٹ مینجمنٹ کا عملہ صبح سویرے مختلف علاقوں میں موجود آلائشوں کو ٹھکانے لگانے اور صفائی میں مصروف ہے۔