Jul 24, 2021 01:39 pm
views : 271
Location : Different Places
Muzaffarabad- Election campaign for 53-seat AJK Legislative Assembly ends
آزاد کشمیر انتخابات کیلئے انتخابی مہم کا وقت ختم ، پولنگ اتوار کو ہوگی
آزادکشمیرقانون سازاسمبلی کیلئے انتخابات 25جولائی کوہوں گے، جس میں 26جماعتوں کے724امیدوارقسمت آزمائیں گے۔
تفصیلات کے مطابق آزاد کشمیر قانون سازاسمبلی کےانتخابات کیلئےانتخابی مہم کاوقت ختم ہوگیا، آزادکشمیرقانون سازاسمبلی کیلئےانتخابات اتوار25جولائی کوہوں گے۔
قانون سازاسمبلی کی 45نشستوں پرانتخابی دنگل ہوگا ، جس میں 26جماعتوں کے724امیدوارقسمت آزمائیں گے، 33سیٹوں کیلئےپولنگ آزادکشمیر میں ہوگی جبکہ پناہ گزینوں کی 12نشستوں کیلئےپنجاب،سندھ،کےپی،بلوچستان میں ووٹنگ ہوگی۔
پنجاب کے34اضلاع میں رجسٹرڈ کشمیری مہاجرین حق رائے دہی استعمال کریں گے جبکہ اسلام آبادسےبھی رجسٹرڈکشمیری ووٹرزووٹنگ میں حصہ لیں گے۔
انتخابات میں 8سیٹیں خواتین،ٹیکنوکریٹ، علمااوربیرون ملک مقیم کشمیریوں کیلئے مختص کی گئی ہے۔
خیال رہے آزادکشمیرالیکشن میں گیلپ پاکستان کےسروےمیں تحریک انصاف سب سےمقبول جماعت قرار پائی ہے ، پی ٹی آئی 44 فیصد حمایت کے ساتھ کشمیریوں کی سب سے پسندیدہ جماعت ہیں۔
گیلپ سروے کے مطابق ن لیگ 12،پیپلزپارٹی کوصرف 9فیصدعوام کی حمایت حاصل ہیں جبکہ ن لیگ اورپیپلزپارٹی کومشترکہ طورپرصرف 21فیصدعوام کی حمایت حاصل ہیں۔