Jul 23, 2021 03:54 pm
views : 276
Location : Domestic Place
Islamabad- Sino-Pak friendship emerging as strong strategic partnership: FM
اسلام آباد، پاک چین دوستی ساتویں دہائی میں داخل، آنیوالے وقتوں میں اپنا رنگ دکھائے گی، وزیر خارجہ کہتے ہیں انشاء اللہ دورہ چین سے ہمارے دو طرفہ برادرانہ تعلقات مزید مستحکم ہوں گے
وزیر خارجہ شاہ محمود قریشی نے کہا ہے کہ پاک چین دوستی اپنی ساتویں دہائی میں داخل ہو چکی ہے، انشاءاللہ آنیوالے وقتوں میں اپنا رنگ دکھائے گی۔
وزیر خارجہ شاہ محمود قریشی نے چین روانگی سے قبل ویڈیو پیغام میں کہا کہ دورے کے دوران چین کے وزیر خارجہ کے ساتھ ملاقات ہوگی، پاکستان اور چین کے مابین تعلقات کا از سر نو جائزہ لینا ہے، اس ملاقات میں دو طرفہ اسٹریٹیجک ایجنڈا زیر بحث آئے گا۔
شاہ محمود قریشی کا کہنا تھا کہ کہ ہمیں افغانستان اور علاقائی صورتحال پر ایک دوسرے کے تاثرات جاننے کا موقع ملے گا، سی پیک پراجیکٹس پر اب تک ہونیوالی پیش رفت اور آئندہ کے لائحہ عمل پر ہماری تفصیلی نشست ہوگی، انشاء اللہ اس دورے سے ہمارے دو طرفہ برادرانہ تعلقات مزید مستحکم ہوں گے۔