Jul 13, 2021 03:01 pm
views : 291
Location : Domestic Place
Quetta- Government's priority is to provide a conducive environment for investors, CM Balochistan
کوئٹہ، حکومتی ترجیح سرمایہ کاروں کو سازگار ماحول فراہم کرنا ہے، وزیراعلیٰ بلوچستان کہتے ہیں پاکستان خود ایک بہت بڑی مارکیٹ اور ہر قسم کی معدنیات سے مالامال ہے
وزیراعلیٰ بلوچستان جام کمال کا کہنا ہے کہ حکومت کی پہلی ترجیح سرمایہ کاروں کو سازگارماحول فراہم کرنا ہے۔
کوئٹہ میں جاری بزنس کانفرنس سے خطاب کے دوران وزیراعلیٰ بلوچستان جام کمال کا کہنا تھا کہ وزیراعظم سے سب سے پہلے سرمایہ کاری کے حوالے سے بات کی تھی، جب سرمایہ کاری نہیں ہوگی تو ہم ٹیکس کس پرلگائیں گے، باہر کے سرمایہ دار یہاں کے سرمایہ داروں سے ماحول کا پوچھتے ہیں، اگر یہاں کے سرمایہ کار ماحول کو بہتر محسوس کریں گے تو باہر سے بھی سرمایہ کار آئیں گے اور موجودہ حالات میں ہم چاہتے ہیں سرمایہ کاری ہو۔
وزیراعلیٰ بلوچستان نے کہا کہ حکومت کی سب سے پہلی ترجیح ہے کہ سرمایہ کاروں کو سازگارماحول فراہم کریں، باہر کا سرمایہ کار بارڈر کے حالت دیکھ کر مارکیٹس میں سرمایہ کاری کو تیار نہیں ہوگا لہذا موجودہ حکومت نے سرمایہ کاروں کو ماحول دیا ہے۔
وزیراعلیٰ بلوچستان جام کمال نے کہا کہ پہلی بار موجودہ حکومت نے سرمایہ کاری بحال کرنے کے لیے اقدامات کیے، پاکستان خود ایک بہت بڑی مارکیٹ ہے اور ہر قسم کی معدنیات سے مالامال ہے جب کہ وفاق کی جانب سے بلوچستان کے ساتھ تعاون بھی کیا جارہاہے۔