Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Jun 02, 2021 06:13 pm views : 314

Location : Domestic Place

Islamabad- It is an honor for Pakistan to host World Environment Day, says Malik Amin Aslam

اسلام آباد، ماحولیات کے عالمی دن کی میزبانی کرنا پاکستان کیلئے اعزاز کی بات ہے، ملک امین اسلم کہتے ہیں ہم مزید دو لاکھ نوکریاں پیدا کریں گے

وزیر اعظم کے مشیر برائے ماحولیاتی تبدیلی ملک امین اسلم نے کہا ہے کہ 5 جون کو ماحولیات کا عالمی دن منایا جائے گا اور اعزاز کی بات ہے کہ پاکستان کو اس دن کی میزبانی کیلئے چنا گیا ہے۔ اس حوالے سے دو بڑے پروگرام ہونے جارہے ہیں جو بالترتیب 4 اور 5 جون کو ہوں گے۔
دارالحکومت اسلام آباد میں وزیر اعظم کے معاون خصوصی مولانا طاہر اشرفی کے ہمراہ پریس کانفرنس کرتے ہوئے ملک امین اسلم نے بتایا کہ 5 جون کو ایکو سسٹم ریسٹوریشن تھیم متعارف کرائی جائے گی جسے آئندہ دس سالوں کیلئے لاؤنچ کیا جائے گا دنیا نے طے کرنا ہے کہ آئندہ دس سال ماحولیات کیلئے صرف کرنے ہیں کیونکہ تمام سائنسدان بتاچکے ہیں آئندہ دس سالوں میں ماحول کی سمت کو درست نہ کیا گیا تو شاید ہم باقی نہ رہیں۔
ملک امین اسلم کا کہنا تھا کہ وزیر اعظم عمران خان اقوام متحدہ کے پلیٹ فارم سے ماحولیات کے عالمی دن کی میزبانی کریں گے اور اس میں جرمنی کی چانسلر انجیلا مرکل، اقوام متحدہ کے جنرل سیکریٹر اور پاپ فرانسس بھی شرکت کریں گے۔
ملک امین اسلم نے یہ بھی کہا کہ 6 جون کو ماحولیات کے کنونشن سینٹر اسلام آباد میں ایک بڑا پروگرام ہوگا جس میں چار بڑے اعلانات کئے جائیں گے۔ ان میں بلین ٹری سونامی،بون چیلنج ریجیم، گرین فنانسنگ اور بلیو کاربن شامل ہیں۔ اس کے علاوہ چائنا کے ساتھ سی پیک کے تحت پاک چائنا گرین زون کا بھی اعلان کیا جائے گا۔
اس موقع پر مولانا طاہر اشرفی کا کہنا تھا کہ ماحولیات کے حوالے سے جمعہ کے روز جمعہ کے خطبات میں بات کی جائے گی اور ہم ملک بھر کے علماء، مشائخ اور آئمہ خطبات سے اپیل کرتے ہیں کہ وہ جمعہ کے روز رسول اللہ کی ماحولیات کے حوالے سے تعلیمات سے عوام کی رہنمائی کریں کیونکہ محراب ومنبر کی آواز کروڑوں لوگوں تک پہنچتی ہے۔