May 23, 2021 06:54 pm
views : 303
Location : Domestic Place
Islamabad- Pakistan's economy is at 'take-off' stage: Sh Rashid
اپوزیشن کی سیاسی دکان بند،پاکستانی معیشت ٹیک آف کرچکی:وزیرداخلہ شیخ رشید
وفاقی وزیر داخلہ شیخ رشید احمد کا کہنا ہے کہ اپوزیشن کی معاشی ترقی پر تنقید کا مقصد ملک میں سیاسی انتشار اور عدم استحکام پیدا کرنا ہے۔
اپنے بیان میں شیخ رشید احمد کا کہنا تھا کہ کورونا وبا اور نامسائد بین الاقوامی حالات کے باوجود پاکستانی معیشت کی 4 فیصد شرح نمو وزیر اعظم عمران خان اور انُ کی معاشی ٹیم کی غیر معمولی کارکردگی کا مظہرہے، تمام معاشی اشاریے مثبت ہونے کا مطلب ہے پاکستانی معیشت اب “ٹیک آف “کرچکی، اگلے دو سال میں ترقی کی یہ شرح انشاءللہ مزید بڑھے گی، آئندہ بجٹ میں غریب طبقے بالخصوص تنخواہ دار اور سفید پوش طبقے کے لئے مراعات رکھی جائیں گی۔
شیخ رشید کا کہنا ہے کہ اپوزیشن کی معاشی ترقی پر تنقید کا مقصد ملک میں سیاسی انتشار اور عدم استحکام پیدا کرنا ہے، ان کی سیاسی دکان اب بند ہو چکی، اپوزیشن کو ڈر ہے کہ عمران خان اگلے الیکشن میں مزید کامیاں حاصل کریں گے۔