May 04, 2021 02:15 pm
views : 287
Location : Domestic Place
Islamabad- Collective efforts needed to end Islamophobia, PM Imran
اسلام آباد، او آئی سی دین اسلام کے حقیقی تشخص کو اجاگر کرے، وزیراعظم کہتے ہیں اسلامو فوبیا کے خاتمے کیلئے اجتماعی کاوشوں کی ضرورت ہے،مسلمانوں کی جان بوجھ کر دل آزاری کی جارہی ہے
اسلامی تعاون تنظیم (او آئی سی) کے رکن ملکوں کے سفیروں نے وزیر اعظم عمران خان سے ملاقات کی، جس میں وزیراعظم نے اسلامو فوبیا کے خاتمے کے لئے عالمی سطح پر پاکستان کی کاوشوں سے آگاہ کیا۔
وزیراعظم نے کہا کہ ایک مسلمان حملہ کرتا ہے تو قصوروار تمام مسلمانوں کو ٹھہرایا جاتا ہے، پاکستان دنیا میں برداشت کے فروغ کے لئے عالمی برادری سے تعاون کے لئے پرعزم اور بین المذاہب ہم آہنگی کے لئے کوششیں کررہا ہے۔
وزیراعظم نے کہا کہ ہمارے نبی ہمارے دلوں میں بستے ہیں، مغربی ممالک میں اسلام فوبیا میں اضافہ ہوا ہے اور مغربی ممالک میں مذہب کو مذہب کی طرح نہیں سمجھا جاتا۔ اظہاررائے کی آزادی کی آڑ میں توہین رسالت سے ڈیڑھ ارب مسلمانوں کی دل آزاری ہوتی ہے، اسلامو فوبیا سے بین المذاہب نفرت کو ہوا ملتی ہے، میری کوشش ہے کہ مسلم ممالک اس حساس معاملے پر متحد ہو، او آئی سی اس حوالے سے عالمی سطح پر آگاہی پیدا کرنے میں کردارادا کرے۔
ملاقات کے دوران او آئی سی ممالک کے سفیروں نے وزیراعظم عمران خان کو معاملہ اٹھانے کی یقین دہانی کرائی۔