May 02, 2021 04:46 pm
views : 283
Location : different Areas
Karachi- Traditional increase in the purchase of hats and perfumes during Ramadan
کراچی، رمضان المبارک میں ٹوپیوں، تسبیوں اور عطر کی خریداری میں روایتی اضافہ ہوگیا، ذاتی استعمال کے ساتھ ساتھ عزیز و اقارب کو تحفے میں دینے کیلئے بھی خوشنما پیکنگ میں دستیاب عطر کی خریداری بڑھ گئی
ہر مسلمان کی خواہش ہوتی ہے کہ ماہ رمضان مکمل اہتمام سے گزارے اسی لئے کراچی میں بھی نماز اور تراویوں کیلئے ٹوپیوں، جائے نماز اور تسبیوں کی خریداری میں اضافہ ہوا ہے جبکہ مسواک اور عطر کا بھی ماہ رمضان میں استعمال بڑھ گیا ہے۔
رمضان کے بابرکت مہینے میں جہاں لوگ عبادات میں مصروف ہوتے ہیں وہیں اس ماہ مقدس میں میں ٹوپی، تسبیح، جائے نماز اور عطر کے استعمال میں بھی اضافہ کردیتے ہیں۔ ماہ رمضان میں مسلما ن روزہ رکھنے کے ساتھ ساتھ عبادات کا بھی خصوصی اہتمام کرتے ہیں اور ان عبادات کیلئے تیاری بھی کچھ خاص ہی ہوتی ہے۔
ایک دکاندار کا کہنا تھاکہ
لباس کو معطر رکھنے کے علاوہ مساجد کو بھی مہکانے کیلئے عطر کا استعمال کیا جاتا ہے۔ یوں تو بازار میں ہر طرح کے ملکی اور غیر ملکی پرفیومز دستیاب ہیں لیکن پاکیزگی کے پیش نظر رمضان المبارک میں عوام کی بڑی تعداد عطر کے استعمال کو ہی ترجیح دیتے ہیں جس کے باعث اس کاروبار سے منسلک افراد کے روزگار میں بھی اضافہ ہوگیا ہے۔
ایک اور دکاندار کا کہنا تھا کہ
ذاتی استعمال کے ساتھ ساتھ عزیز و اقارب کو تحفے میں دینے کیلئے بھی خوشنما پیکنگ میں دستیاب عطر کی خریداری کی جاتی ہے۔ ماہ رمضان میں مسلمان نماز کے احترام میں صاف سترے لباس پہنے کے ساتھ خوشبوں کا بھی استعمال پسند کرتے ہے۔
دکانداروں کا کہنا ہے کہ ماھ رمضان میں ان کی اشیاء کی سب سے زیادہ خریداری ہوتی ہے اور اس مہینے کی برکت سے ان کی روزی میں بھی اضافہ ہوتا ہے۔
ملک بھر کے مسلمان رمضان المبارک کی برکتیں سمیٹنے میں مصروف ہیں اور ان کی کوشش ہوتی ہے کہ اسلامی اصولوں کے مطابق ماہ صیام کو گزاریں۔