Mar 24, 2021 01:00 pm
views : 264
Location : Domestic Place
Karachi- Weather forecasters warn
شہر کراچی میں گرمی بڑھنے اور ہیٹ ویو کا امکان ہے، موسم کا حال بتانے والوں نے خبردار کردیا
موسم کا حال بتانے والوں نے کراچی میں گرمی کی شدت میں اضافے اور آئندہ چند روز میں ہیٹ ویوز کا امکان ظاہر کردیا ہے۔
محکمہ موسمیات کے مطابق کراچی کے درجہ حرارت میں 4 سے 6 ڈگری تک اضافے کا امکان ہے جس سے درجہ حرارت 36 سے 38 ڈگری سینٹی گریڈ تک جا سکتا ہے۔
موسم کا حال بتانے والوں کا کہنا ہے کہ تیس مارچ کے بعد درجہ حرارت 39 ڈگری تک جاسکتا ہے اور ہیٹ ویوز آنے کے بھی امکانات رہیں گے جب کہ مغربی سسٹم رخصت ہونے کے باعث ہواؤں کا رخ تبدیل ہوگا اور کراچی میں شمال مغرب سے خشک اور گرم ہوائیں چلیں گی۔
محکمہ موسمیات کے مطابق شہر قائد میں مارچ کا معمول کا اوسط درجہ حرارت 32.4 ڈگری رہا ہے۔