Dec 04, 2020 12:27 pm
views : 256
Location : Domestic Place
Chaman, PDM says respect the vote but let the voter die from Corona, 11 parties are united to save corruption, Shaikh Rasheed
چمن، پی ڈیم ایم کہتی ہے ووٹ کو عزت دو لیکن ووٹر کو کورونا سے مرنے دو، شیخ رشید
وفاقی وزیر ریلوے شیخ رشید احمد پاک افغان بارڈر چمن پہنچ گئے جہاں انہوں نے آئی ٹی ٹی ایم ایس پروجیکٹ اور این ایل سی پروجیکٹ کا معائنہ کیا۔ شیخ رشید نے پاک افغان بارڈر پر تجارتی سرگرمیوں کا جائزہ لیا اور حکام نے انہیں بارڈر منیجمنٹ کے تعمیرات پر بریفنگ دی۔
اس موقع پر اظہار خیال کرتے ہوئے وفاقی وزیر ریلوے شیخ رشید نے کہا کہ پاکستان ریلوے کی حالت ایم ایل ون کی تکمیل تک صحیح ہوجائے گی ، عوام کو زبردست سفری سہولتیں دینگے، ریلوے کی گوداموں کی مرمت کا کام شروع کرکے ریلوے لائن کی اپ گریڈیشن (بہتر بنایا) کی جائے گی، پاک افغان سرحد پر ریلوے کی زمینوں کے متعلق معاملے کو نو دسمبر کے اجلاس میں حل کیا جائے گا۔
شیخ رشید احمد نے حزب اختلاف کے اتحاد پاکستان ڈیموکریٹک موومنٹ (پی ڈی ایم) پر تنقید کرتے ہوئے کہا کہ گیارہ پارٹیاں کرپشن بچانے کے لیے اکھٹی ہیں، ایم ایل ون چلنے کے بعد ریلوے میں بہتری آئیگی۔