Oct 24, 2020 01:10 pm
views : 269
Location : Domestic Place
Islamabad- Will personally go to UK for Nawaz Sharif's return, if required: PM Imran Khan
اسلام آباد، نواز شریف کی واپسی کے لیے برطانیہ جانا پڑا تو خود جاؤں گا، وزیراعظم عمران خان
نجی ٹی وی کو انٹرویو دیتے ہوئے وزیراعظم عمران خان کا کہنا ہے کہ نوازشریف کو لندن بھیجنے سے متعلق لاہور ہائیکورٹ سے استدعا کی کہ 7 ارب روپے کی ضمانتی بانڈز مانگیں، عدلیہ نے ہماری بات نہیں مانی اور شہباز شریف کی گارنٹی لے لی۔
اپوزیشن کے حوالے سے ان کا کہنا تھا کہ لوگ اقتدارمیں فیکٹریاں، جائیدادیں بنانے کیلئے آتے ہیں، لوگوں کا اقتدار میں آنے کا مقصد اپنے خاندانوں کو نوازنا ہے۔ سابق حکمرانوں کی کرپشن سےملک قرضوں میں ڈوب گیا۔یہ لوگ اقتدار میں واپس آئے توعوام کو لیکر سڑکوں پر آجاؤں گا۔
وزیراعظم کا کہنا تھا کہ ہمارے لیے بڑا چیلنج مقروض ملک کو اپنے پاؤں پر کھڑا کرنا ہے، ریاست مدینہ میں غریب طبقےکی فلاح پرتوجہ مرکوزکی گئی، ریاست مدینہ میں قانون کی بالادستی یقینی بنائی گئی تھی، ملک بھرمیں مزدوروں کیلئے پناہ گاہیں بنا رہے ہیں۔
وزیراعظم کا کہنا تھا کہ بینکوں کو پابند کریں گے 5 فیصد شرح سود پر گھروں کے لیے قرض دیں، شرح سود بہت زیادہ بڑھی تو 7 فیصد پر گھروں کے لیے قرض دیں گے، شرح سود نیچے گئی تو گھروں کے لیے قرض میں بھی شرح سود کم کریں گے۔