کراچی کے ڈومیسائل پرنوجوانوں کو نوکری نہیں ملتی، فاروق ستار
خصوصی عدالت کے روبرو بانی متحدہ کی اشتعال انگیز تقریر کے27 مقدمات کی سماعت کے بعد صحافیوں سے گفتگو کرتے ہوئے ڈاکٹر فاروق ستار نے کہا کہ 1100 ارب کا ایک نوٹیفکیشن نکلا ہے اگر 1100 ارب کو 3 سال میں تقسیم کریں تو 99 کروڑ روز خرچ ہونا چاہیے، کوئی کام نظر نہیں آرہا مسائل میں اضافہ ہورہا ہے۔
انہوں نے کہا کہ کراچی کے شہریوں کو کراچی کے ڈومیسائل پر نوکری نہیں ملتی، ملک بھر کے ڈومیسائل والے لوگ نوکریاں یہاں حاصل کرتے ہیں کوٹہ سسٹم ختم ہونا چاہیے، وفاقی اور صوبائی حکومت کراچی پر توجہ دے، کے الیکٹرک کو ٹھیک ہونا چاہیے، کے الیکٹرک کے اعلانات کے باوجود ریلیف نہیں ملا، حکومت پاکستان نے کوٹا سسٹم کی تلوار پھر لٹکائی، کراچی اور حیدر آباد والے کہاں جائیں۔
ڈاکٹر فاروق ستار نے کہا کہ سرکلر ریلوے کے منصوبے کو آگے بڑھنا چاہیے وہاں کچھ نہیں ہورہا، سیلیکٹو انصاف ہورہا ہے، ایم کیو ایم کی موجودہ قیادت صوبے کا معاملہ لے کر کس منہ سے عوام میں جائے گی، میرے جیسے کارکن کے ساتھ کیا ہوا۔
انہوں نے کہا کہ کیا میئر کراچی سے 40 ارب روپے کا حساب لیا گیا، یہ لوگ کس منہ سے عوام میں جائیں گے پہلے اخلاقی جواز تو پیدا کریں۔