Oct 07, 2020 06:57 pm
views : 270
Location : Domestic place
Karachi- Six police officers arrested for shooting labourers in Korangi
کراچی، عیسیٰ لیبارٹری کا نابیناؤں کے میڈیکل ٹیسٹ پر پچاس فیصد رعایت دینے کا اعلان
کورنگی صنعتی ایریا میں مشکوک پولیس مقابلے میں ایک شہری جاں بحق اور 2 افراد زخمی ہوگئے جبکہ مقابلے میں ملوث 6 اہلکاروں کو حراست میں لے لیا گیا۔
صنعتی ایریا کے علاقے میں فائرنگ کے واقعے میں ایک شخص جاں بحق جبکہ 2 زخمی ہوگئے۔ ترجمان کراچی پولیس کے مطابق ایس ایس پی کورنگی کے پی ایس او نے اطلاع دی ہے کہ مہران ٹاؤن جناح میڈیکل کے عقب میں ندی کے قریب ڈکیتی کے دوران پولیس موقع پر پہنچی تو 6 سے 7 ڈاکوؤں کا پولیس سے مقابلہ ہوا جس کے نتیجے میں ایک شخص جاں بحق جبکہ 2 افراد زخمی ہوگئے ہلاک ہونے والے شخص کی شناخت 40 سالہ عطااللہ ولد شریف کے نام سے ہوئی جبکہ زخمیوں میں 35 سالہ خضر ولد قادر بخش اور 23 سالہ یاسر ولد ممتاز شامل ہیں۔
ابتدائی طور پر پولیس ہلاک و زخمیوں کو جرائم پیشہ قرار دے رہی تھی تاہم جب جناح اسپتال میں مقتول عطااللہ کے بھائی ثنااللہ نے میڈیا سے بات چیت کرتے ہوئے بتایا کہ ڈاکوؤں کے ہاتھوں لٹنے کے بعد ہم نے خود مدد گار 15 پولیس کو کال کی اور ان کے انتظار میں کھڑے تھے کہ پولیس نے موقع پر پہنچ کر اندھا دھند فائرنگ شروع کر دی جبکہ ڈاکوؤں کو تو فرار ہوئے 10 منٹ گزر چکے تھے جس کے نتیجے میں میرا بھائی جان سے چلا گیا جبکہ میرا بھانجہ اور کاریگر زخمی ہوگئے۔
بعدازاں پولیس نے میرے بھائی کے پاس اسلحہ رکھ کر اس کی تصویر بھی بنائی ، ثنااللہ کا کہنا تھا کہ ان کا آبائی تعلق ملتان سے ہے اور وہ سرجانی ہری مسجد کے قریب رہائش پذیر ہیں۔
اس حوالے سے ایس ایس پی کورنگی فیصل عبداللہ چاچڑ کا کہنا تھا کہ ہلاک اور زخمی افراد کے پاس سے اسلحہ برآمد نہیں ہوا ہے اور نہ ہی ان کا کوئی کرمنل ریکارڈ سامنے آیا تاہم پولیس نے ان کے ہمراہ چوتھے شخص کو تھانے منتقل کیا ہے اور اس سے بھی اس حوالے سے معلومات حاصل کی جا رہی ہے ۔
مقابلے میں ملوث 6 پولیس اہلکاروں کو حراست میں لے کر تھانے منتقل کردیا گیا ہے۔ اب تک کی تفتیش میں مقابلے میں شکوک و شبہات پائے گئے۔