Font

تازہ ترین

  • Pakistan’s Prime Minister Shehbaz Sharif holds a high-level meeting with Pakistan’s leading industrialists and business leaders, Visuals available at TNN Services client portal •
  • Sewage floods Lahore colony as residents fall sick; authorities ignore pleas, Visuals available at TNN Services client portal •
  • Scorching Heat, Loadshedding Drive Lahore Residents to Canal, Visuals available at TNN Services client portal •
  • PSX rebounds in early trade, recovers 900 points after Monday's sell-of, Visuals available at TNN Services client portal •
  • Markets to close at 8pm from June 1 as Pakistan enforces energy-saving plan, Visuals available at TNN Services client portal •

Featured

Oct 04, 2020 08:09 pm views : 274

Location : PID

Islamabad- Nawaz Sharif has taken Opposition politics into 'blind alley': Shibli Faraz

چوری کے مقدموں میں نامزد آج قوم کو بھاشن دے رہے ہیں، شبلی فراز

وفاقی وزیر اطلاعات و نشریات شبلی فراز کا کہنا ہے کہ مسلم لیگ (ن) کے ترجمان ڈھٹائی سے جھوٹ بولتے ہیں، مسلم لیگ ن ہمارے لیے بارودی سرنگیں بچھا کر گئی تھی، حکومت میں آئے تو زرمبادلہ ذخائر 6 ہفتے سے زیادہ کے نہیں تھے۔
اسلام آباد میں پریس کانفرنس کرتے ہوئے شبلی فراز نے کہا کہ 2.9 کھرب سود ادا کرنے کے لیے رکھے گئے، اسحاق ڈار نے ڈالر کو مصنوعی سطح پر رکھنے کے لیے 23 ارب ڈالر خرچ کیے، درآمدات اور برآمدات کا فرق 20 ارب ڈالر کا تھا۔
شبلی فراز نے کہا کہ مسلم لیگ ن حکومت نے برآمدات نہیں بڑھائیں، صرف لوٹ مار کی اور کرپشن کے سوا کچھ نہیں کیا، ہم آئے تو عمران خان کو قرض کی ادائیگی کاچیلنج تھا، غیر ملکی زرمبادلہ ذخائر 19 ارب ڈالر کرلیے ہیں، ہمارے پاس مصنوعی ریٹ برقرار رکھنے کے لیے ڈالر نہیں تھے، لیکن کرنا بھی نہیں چاہیے۔
وفاقی وزیرِ اطلاعات نے کہا کہ 20 ارب ڈالر خسارہ 8 کروڑ ڈالر کی مثبت سطح پر لے آئے، اس سہہ ماہی میں ہدف سے زیادہ ٹیکس ریکور کیے ہیں، پیٹرول کو عالمی قیمتوں پر فراہم کرنا ہوتا ہے، مہنگی بجلی کی وجہ نواز شریف حکومت کے بجلی کمپنیوں سے مہنگے سودے رہے ہیں۔
شبلی فراز نے کہا کہ لیگی دورِ حکومت میں ری نیو ایبل انرجی سے سوتیلی ماں کا سلوک کیا گیا، غلط پالیسیوں سے صنعت کو شدید نقصان پہنچا، عمران خان نے بجلی پیداوار کمپنیوں سے مذاکرات کیے، بجلی اور گیس کی قیمتوں میں اضافے کی وجہ ن لیگ حکومت کے معاہدے ہیں۔
انہوں نے یہ بھی کہا کہ نوازشریف کے دور میں پی ایم ہاؤس کا کچن شاہانہ انداز میں چل رہا تھا۔
وزیرِ اطلاعات نے کہا کہ آپ چاہتے میں ملک میں بے یقینی پھیلے، کوئی محب وطن عوامی مفاد کے خلاف نہیں ہوسکتا، اپوزیشن میں پھوٹ پڑچکی ہے، شور غوغا اس لیے ہے کہ ان کے کیسز پر این آر او دے دیا جائے۔
شبلی فراز نے کہا کہ عمران خان نڈر ہے کسی بلیک میلنگ میں نہیں آئے گا، نواز شریف اپوزیشن کی سیاست کو بند گلی میں لے گئے ہیں، حکومت اپوزیشن کا کوئی دباؤ قبول نہیں کرے گی، عمران خان جیسا ایماندار لیڈر ملک کو پہلی مرتبہ ملا ہے۔