May 09, 2019 02:48 pm
views : 338
Location : Domestic Place
Islamabad- Government gives new Taxes Plan for IMF
اسلام آباد، حکومت کا آئی ایم ایف کواگلے بجٹ میں 750 ارب روپے کے ٹیکس لگانے کا پلان پیش
حکومت نے آئی ایم ایف کواگلے بجٹ میں 750 ارب روپے کے ٹیکس لگانے کا ورکنگ پلان پیش کردیا۔
حکومت
نے آئی ایم ایف کواگلے بجٹ میں 750 ارب روپے کے ٹیکس لگانے کا ورکنگ پلان
پیش کردیا۔ وفاقی بجٹ میں چینی پرجی ایس ٹی کی شرح بڑھائی اورگیس پرفیڈرل
ایکسائزڈیوٹی عائد کی جائے گی۔ الیکٹرانکس اورفوم انڈسٹری کی مصنوعات کی
پرچون قیمت پرسیلزٹیکس لاگوکرنے کا فیصلہ کیا گیا ہے جب کہ جی ایس ٹی کی
معیاری شرح 17 سے بڑھا کر18 فیصد کرنے کا امکان ہے۔
بجٹ میں سگریٹ اور
مشروبات پرفیڈرل ایکسائز ڈیوٹی بڑھانے کے فیصلے سمیت صنعتوں اوربجلی کی
پیداوارکیلئے ایل این جی کی درآمد پر3 فیصد کسٹمز ڈیوٹی کی چھوٹ ختم کرکے 5
فیصد کسٹمزڈیوٹی عائد کرنے کا اصولی فیصلہ کیا گیا جب کہ کسٹم ڈیوٹی سے
بجلی اورصنعتی اشیاء مزید مہنگی ہونے کا امکان ہے۔
مراعات یافتہ لوگوں،
اداروں، امدادی اشیاء اوربرآمدی اشیاء کے خام مال اور پلانٹس و مشینری کی
درآمد پرکسٹمز ڈیوٹی و ایڈیشنل کسٹمز ڈیوٹی کی چھوٹ برقراررکھنے کا اصولی
فیصلہ کیا گیا ہے۔ فیصلے سے ملکی درآمدات پر 60 کروڑ ڈالرکا سالانہ کا دباؤ
ہوگا۔
بجٹ میں پیک شُدہ جوسز پر فیڈرل ایکسائز ڈیوٹی عائد کرنے سے پانچ
ارب روپے کا اضافی ریونیو حاصل ہوسکے گا۔ غیر منقولہ جائیداد اورسیکورٹیز
پر کیپیٹل گین ٹیکس کیلئے ہولڈنگ پیریڈ بڑھانے سے 20 ارب روپے کا اضافی
ریونیو ملے گا جب کہ بینکوں اور انشورنس کمپنیوں کی آمدنی پر عالمی معیار
کے مطابق ٹیکس کا طریقہ متعارف کروایا جائے گا۔