May 07, 2019 07:00 pm
views : 302
Location : Election Commission of Pakistan
Islamabad- PTI Richest Political Party in Country
اسلام آباد، تحریک انصاف ملک کی امیر ترین سیاسی جماعت بن گئی
الیکشن
کمیشن آف پاکستان نے 81 سیاسی جماعتوں کے اثاثوں کی تفصیلات جاری کردیں جن
کے مطابق حکمران جماعت تحریک انصاف امیر ترین سیاسی جماعت بن کر سامنے
آگئی۔
دستاویزات کے مطابق تحریک انصاف 31 کروڑ 66 لاکھ روپے مالیت کے
اثاثوں کی مالک نکلی، ایک سال کے اندر اس کے اثاثوں میں 22 کروڑ روپے کا
اضافہ ہوا، تحریک انصاف نے سمندرپارپاکستانیوں سے 6 کروڑ 58 لاکھ روپے سے
زائد کے فنڈز لیے، جن میں سے امریکہ میں مقیم سمندرپارپاکستانیوں سے 1 کروڑ
26 لاکھ وصول کیے، برطانیہ میں مقیم پاکستانیوں سے 4 کروڑ 92 لاکھ روپے سے
زائد کا فنڈ وصول کیا۔
عمران خان نے اثاثوں کی تفصیلات کے ساتھ
سرٹیفکیٹ بھی جمع کرایا جس کے مطابق تحریک انصاف نے ممنوعہ فنڈنگ وصول نہیں
کی، تحریک انصاف نے پارٹی کے 6 اکاونٹس الیکشن کمیشن میں ظاہر کیے ہیں۔
مسلم
لیگ ن کے اثاثوں کی مالیت 25 کروڑ 33 لاکھ 77 ہزار 955 روپے نکلی اور ایک
سال میں اس کے اثاثوں میں 2 کروڑ سے زائد کا اضافہ ہوا، اس نے پارٹی ٹکٹس
11 کروڑ 97 لاکھ میں دیے۔
پاکستان پیپلزپارٹی پارلیمنٹرین کے پاس 16
کروڑ 70 لاکھ روپے سے زائد کا بینک بیلنس ہے اور اس نے 9 کروڑ 37 لاکھ سے
زائد ٹکٹوں کی مد میں وصول کیے۔
دستاویزات کے مطابق شیخ رشید کی عوامی
مسلم لیگ غریب ترین سیاسی جماعتوں میں شامل ہے جو صرف 1 لاکھ 38 ہزار روپے
اثاثوں کی مالک ہے، تحریک لبیک پاکستان کو چندے کی مد میں 50 لاکھ روپے
ملے، ایم کیو ایم پاکستان کو 1 کروڑ 75 لاکھ روپے کا چندہ ملا ہے جبکہ
جماعت اسلامی 10 کروڑ 63 لاکھ روپے کے اثاثوں کی مالک ہے۔